Barlyq jaǵdaıdabalalar terezeniń aldyna óz betimen jáne tireýish retinde ár túrli zattardy qoldana otyryp shyqqan, sondaı-aq barlyqbalalar ata-ananyń qaraýynsyz qalaǵan.
Mysaly, aǵymdaǵy jylǵy 3 tamyzda Respýblıka dańǵyly 43A mekenjaıy boıynsha baıqaýsyzda bala 5 qabattyń terezesinen qulap, aýrýhanaǵa jatqyzyldy. Sondaı-aq 6 tamyzda 187 kóshesi, 14/4 úı mekenjaıy boıynsha bes qabatty úıdiń 4 qabatynan ata-anasynyń qaraýynsyz qalǵan bala qulap, aýrýhanaǵa jetkizildi.
Qutqarýshylardyń balalardy qulap qalýdan aman-esen qutqaryp alǵan jaǵdaılar da kezdesedi. Osylaısha ótken demalys kúnderi qutqarýshylar kezekti ret kishkentaı balanyń terezeden qulap qalýynyń aldyn aldy. Bul oqıǵa Rysqulbekov kóshesi boıyndaǵy turǵyn úılerdiń birinde boldy. Qutqarýshylar kelip jetkende bala ekinshi qabattyń ashyq turǵan terezeniń aldynda turdy. Balanyń qulap ketý jaǵdaıyn eskerip, qutqarýshylar saqtandyrý jáne soqqynyń jeńil bolýy úshin kórpeni sozyp daıyndady. Alaıda, baqytyna qaraı qutqarýshylardyń biri saty arqyly páterge kirip, balany qutqardy. Osy jaǵdaıda da kishkentaı qyz bala ata-ananyń qaraýynsyz qalǵan.
Astana qalasynyń tótenshe jaǵdaılar boıynsha departamenti turǵyndardy kishkentaı balalaryn qaraýsyz qaldyrmaýǵa shaqyrady.