Premer-mınıstr Oljas Bektenov 10 aqpanda ótken Úkimettiń keńeıtilgen otyrysynda Memleket basshysy bergen tapsyrmalardy júzege asyrý máseleleri boıynsha keńes ótkizdi, dep jazady Egemen.kz.
«Prezıdentimiz atap ótkendeı, jańa Konstıtýsııa jobasynda «adam memleket úshin emes, memleket adam úshin» qaǵıdaty aıqyndala túsken. Konstıtýsııalyq reformanyń kózdegen maqsaty da osy – aýqymdy saıası jańǵyrýmen qatar, ekonomıkanyń sapaly ósý qarqynyn arttyra túsýge baǵyttalyp otyr. Iаǵnı, birinshi kezekte, halyqtyń tabysy men ál-aýqatyn arttyrýǵa basymdyq berilýge tıis. Bul – bizdiń aldymyzda turǵan asa mańyzdy mindet», dedi Oljas Bektenov.
Keńeste Prezıdent tapsyrmalaryn júzege asyrý jónindegi sharalar týraly Premer-mınıstrdiń orynbasarlary, mınıstrler jáne «Samuryq-Qazyna» qorynyń basshylyǵy baıandama jasady.
Premer-mınıstrdiń orynbasary – ulttyq ekonomıka mınıstri Serik Jumanǵarın halyqtyń ál-aýqatyn jaqsartý jospary týraly baıandady. Jumystyń basym baǵyttary retinde tabystyń ósýi, ınflıasııany tómendetý jáne naqty sektordy qoldaý ataldy. Ulttyq bankpen birlesip, ınflıasııa deńgeıin 9-11%-ǵa deıin tómendetý jónindegi jospar ázirlenetini aıtyldy. 1 mamyrǵa deıin Halyq tabysyn arttyrýdyń 2026-2029 jyldarǵa arnalǵan baǵdarlamasy qabyldanady. Sondaı-aq bıznesti memlekettik qoldaý sharalaryn Egov Business platformasynda «bir tereze» qaǵıdaty boıynsha damytý jalǵasady.
Oljas Bektenov: Úkimet «shynaıy muqtaj adamdarǵa ǵana kómek» qaǵıdatyn qatań ustanady
Memlekettik basqarýdy sıfrlyq transformasııalaý jáne JI sheshimderin engizý máselesine nazar aýdaryldy. Premer-mınıstrdiń orynbasary – jasandy ıntellekt jáne sıfrlyq damý mınıstri Jaslan Mádıev KEDEN jáne Qarjy mınıstrliginiń salyqtyq ákimshilendirý platformalary, sý tasqynyn boljaýǵa arnalǵan Tasqyn, avtojoldar salasyndaǵy eJoldar, tasymaldaý salasyndaǵy Smart Cargo jáne basqa da salalyq júıeler týraly baıandady. Áleýmettik ámııan jáne úı sharýashylyqtarynyń sıfrlyq profılderi damytylyp jatyr, bul qoldaý sharalarynyń tıimdiligin qamtamasyz etedi. Memlekettik qyzmetterdi sıfrlandyrý HQKO-ǵa kelýshiler sanyn 2,3 mln-ǵa deıin qysqartýǵa múmkindik berdi. Sondaı-aq Memlekettik organdardyń tıimdiligin arttyrý úshin memlekettik aqparattyq júıelerdi biryńǵaı QazTech platformasyna kóshirý, kıberqaýipsizdikti kúsheıtý, salalyq Data Lake júıeleri men JI agentterin qalyptastyrý josparlanǵan.
«Samuryq-Qazyna» qorynyń basqarma tóraǵasy Nurlan Jaqypov qordyń ınvestısııalyq portfelin júzege asyrý barysy jáne 2026 jylǵa arnalǵan josparlar, onyń ishinde jańa jobalardy iske qosý týraly baıandady. 2026-2030 jyldar aralyǵynda 27 mıllıard dollardan astam tikeleı sheteldik ınvestısııa tartý mindeti jáne sıfrlandyrý nátıjeleri, sonyń ishinde 5 jyl ishinde jıyntyq áseri 1,3 mıllıard dollardy quraıtyn JI jobalaryn engizý máseleleri jeke atap ótildi. Premer-mınıstr qordyń qurylymyn odan ári transformasııalaý máselelerin, onyń ishinde qajet bolǵan jaǵdaıda jekelegen kompanııalardy biriktirý arqyly qarastyrýdy tapsyrdy.
Oljas Bektenov kásipkerlermen qandaı máselelerdi talqylady?
Qarjy mınıstri Mádı Takıev salyqtyq jáne kedendik ákimshilendirýdi sıfrlandyrý, bıýdjet shyǵystarynyń ashyqtyǵyn arttyrý jónindegi tásilderdi engizý týraly baıandady. Birinshi jartyjyldyqta Taýarlardyń ulttyq katalogin iske qosý josparlanyp otyr. Salyqtyq jáne kedendik ákimshilendirýdi sıfrlyq formatqa kóshirý jedeldetilip keledi. Tıimsiz shyǵystardy qysqartý maqsatynda bıýdjettik baǵdarlamalarǵa revızııa júrgiziledi. Sondaı-aq bıýdjet qarajatynyń qadaǵalanýy úshin sıfrlyq teńgeni qoldaný aıasy keńeıtilip jatyr.
Energetıka mınıstri Erlan Aqkenjenov energetıkalyq qaýipsizdikti nyǵaıtý jáne salany damytý sharalary týraly baıandady. 2029 jylǵa deıin 13,3 GVt jańa qýat kózderin iske qosý josparlanǵan. Sonymen qatar kómir generasııasyn damytý jónindegi ulttyq joba daıyndalyp, qoǵamdyq talqylaýǵa shyǵaryldy, elimizdiń energetıkalyq negizin nyǵaıtý baǵytynda jumystar júrgizilip jatyr. Munaı óńdeý jáne munaı-gaz hımııasy salasy boıynsha Prezıdent tapsyrmasyna sáıkes, jumys istep turǵan munaı óńdeý zaýyttarynyń qýatyn keńeıtý jobalary belgilenip, jańa MО́Z salý máselesine de nazar aýdaryldy. 2029 jylǵa deıin iri munaı-gaz hımııasy boıynsha birqatar jobany iske qosý josparlanyp otyr, «Munaı-gaz hımııasy ónerkásibi týraly» zań jobasy ázirlenip jatyr.
Prezıdent Qasym-Jomart Toqaevtyń Úkimettiń keńeıtilgen otyrysynda sóılegen sózi