Bul toptyń bir ereksheligi – jastar arasynda keńinen tanymaldyqqa ıe bolǵan breıkdans bıiniń yrǵaǵyn klassıkalyq mýzykamen baılanystyra bilýinde. Al elorda tórinde ótken shara Avstrııa pavılonymen birigip, «RedBull Flying Bach» ataýymen uıymdastyryldy.
– EKSPO aýmaǵynda, ásirese Avstrııa pavılonynda túrli sharalar uıymdastyrylady. Munda kelgen árbir jan bolashaqtyń energııasyn sezine alady desem artyq aıtpaǵan bolar edim. Flying Steps toby kórmeniń sánin kirgizip, sharaǵa jınalǵandardy tań qaldyratynyna senimim mol, – dedi Almatydaǵy Avstrııa elshiliginiń Saýda keńesshisi Mıhael Mıýller.
Bir qarasań breıkdans men klassıkanyń qozǵalystary bir-birine múldem kelmeıdi. Alaıda, atalǵan top pen konserttiń rejısser-qoıýshysy Krıstof Hagel ony joǵary deńgeıde ushtastyrýǵa bolatynyn dáleldeı bildi. Sebebi, sharaǵa jınalǵan jurtshylyq ónerpazdardyń túrli qımyl-qozǵalystaryna, klassıkalyq mýzykany úılestire alǵanyna tańdanystaryn jasyra almady.
Aıan ÁBDÝÁLI,
«Egemen Qazaqstan»