Búgin Astanada EKSPO-2017 halyqaralyq mamandandyrylǵan kórmesine oraı uıymdastyrylǵan Mańǵystaý oblysynyń mádenıet kúnderi bastaldy.
Tórt kúnge sozylatyn mańyzdy sharany mańǵystaýlyqtar elordaǵa sálem retinde Otan qorǵaýshylar alańyndaǵy «Otan-Ana» monýmentine gúl shoqtaryn qoıýmen bastady.
Soǵys qaharmandarynyń rýhyna taǵzym etip, gúl shoqtaryn qoıǵan soń oblys ákimi Eraly Toǵjanov bastaǵan óńirdiń elge tanymal tulǵalary «О́li razy bolmaı, tiri baıymaıdy» degen támsildi ustanyp, Qazaqstannyń halyq jazýshysy, Respýblıkanyń alǵashqy Memlekettik hatshysy bolǵan marqum Ábish Kekilbaev pen Farıza Ońǵarsynovanyń rýhtaryna Quran baǵyshtady.
Bataly jıynda Ábish Kekilbaevtyń jary Klara Jumabaeva, sonymen qatar elimizge belgili Mańǵystaý óńiriniń aqyn-jazýshylary, maıtalman sportshylar, Qazaqstan halqy Assambleıasynyń músheleri da bolǵanyn aıta ketken jón.
Aıta keteıik, Astanadaǵy Mańǵystaý oblysynyń mádenı kúnderi kúnderi 18-tamyzǵa deıin jalǵasady.