Astana klýby – el chempıony

Atap aıtqanda, Ońtústik Qa­zaqstan, Aqmola oblystyq shó­gen federasııalarynyń komandalary, «Aqqııa», «Áýlıe­ata» shógen klýbtary, «Astana polo club» jáne «Almaty polo club» ujymdary birinshilik júl­delerin sarapqa saldy.

Jarys qorytyndysynda barlyq oıyndarynda qarsy­las­tarynan basym bolǵan qos komanda – «Astana polo club» jáne «Almaty polo club» klýbtary týrnırdiń bas júldesi úshin maıdan saldy. Jalpy, bul eki komanda birneshe halyqaralyq týrnırge qatysyp, mol tájirıbe jınaqtaǵan azýly ujymdar. Eske salar bolsaq, «Astana Polo Club» komandasy 2016 jyly Argentınanyń Lýhan qalasynda ótken halyqaralyq týr­nırde top jarǵan. Budan bólek, 2017 jyly Argentınadaǵy «Santa Catalina Summer Cup» jáne «Torneo Summer Polo Match» ha­lyqaralyq týrnırlerinde osy eki komanda sheteldik shó­gen­shilerdi shań qaptyrǵan-tuǵyn. Sondaı-aq, bıyl elimizde ótken «Almaty Snow Polo Cup» halyqaralyq dodasynda da atalǵan qos komandanyń altyn jáne kúmis júldelerdi ózara bóliskeni bar.

Mine, osyndaı syralǵy qar­sylastar arasyndaǵy oıyn tar­tysqa toly boldy. Match­ty tama­shalaǵan jankúıer qaýym da qumardan shyǵyp, shógen sań­laq­taryna degen qoshe­metterin qıqý salyp kórsetip otyrdy. 

Sonymen, sheshýshi oıynda shyn sheberligimen kózge túsken «Astana polo club» ujymy alma­tylyq shógenshilerdi 6:4 esebimen jeńip, 2017 jylǵy el chempıony atandy. Al júldeli úshinshi oryndy Aqmola obly­synyń shó­genshilerinen 2:1 esebimen basym túsken «Áýlıe­ata» klýby ıelendi. Eske salsaq, byltyr tuń­ǵysh ret ótken el chempıonatyn osy «Áý­lıeata» shógen klýby jeńip alǵan bolatyn.

«Samuryq Qazyna» Ulttyq ál-aýqat qory bas seriktes já­ne «Samruk-Kazyna Trust» áleýmettik jobalardy damytý qory áleýmettik seriktes bol­ǵan birinshiliktiń júlde qory 2 mıllıon teńgeni qurady. Qazaqstannyń jańa chempıony «Astana polo club» klýby 1 mıllıon teńgeniń sertıfıkatyna ıe bolsa, kúmis júldeger atanǵan «Almaty polo club» komandasyna 600 myń teńge buıyrdy. Qola medal ıesi «Áýlıeata» ujymy 400 myń teńgeniń júldesine qanaǵat etti.

Jarys nátıjesinde úz­dik shyqqan oıynshylar men sáı­gúlikter arnaıy júlde­lermen marapattaldy. My­saly, «Almaty polo club» koman­dasynyń kapıtany Qýanysh Musabekov «Úzdik oıynshy» atalymy boıynsha ozyp shyqsa, «Úzdik polo ponı» bolyp «Maý­sym» atty sáıgúlik tanyldy.

«Egemen-aqparat»