Glazgodaǵy jańbyr men qatty jeldiń ekpinimen bastalǵan oıynda eki klýb óte saqtyqpen oınady. Biraq, «Astana» nóserge qaramaı, matchtyń alǵashqy 30 mınýt boıy qarsylas qaqpasyna qaýip tóndirgenimen, gol soǵa almady. Oıynnyń negizgi oqıǵasy birinshi taımnyń 32-mınýtynan bastaldy. Fýtboldaǵy «Sen soqpasań, saǵan soǵady» degen támsildi ustanǵan «Seltıktiń» avstralııalyq shabýlyshysy Tom Rogıch Mokınniń ústinen asyra tepken dopty qaıtarmaq bolǵan Evgenıı Postnıkov óz qaqpamyzǵa gol soǵyp aldy.
Arada eki mınýt ótken soń Postnıkovta óz qateligin joıý úshin tamasha múmkindik týyndaǵan edi. Biraq Evgenıı tepken dop qarsylas qaqpa baǵanynan sál qıys ketti. Birinshi taım aıaqtalar tusta elordalyq klýbqa osy maýsymda qosylǵan vengrııalyq fýtbolshy Laslo Klıaınhaıslerdiń jibergen qateligi «Astanaǵa» qymbatqa tústi. Laslonyń qateligin utymdy paıdalanǵan Skott Sınkler matchtyń 42-mınýtynda esepti 2:0-ge jetkizdi.
Oıynnyń ekinshi bóligi de «Astana» úshin sátti bastala qoımady. 60-mınýtta Skott Sınkler qaqpamyzǵa ekinshi golyn soǵyp, dýbl avtory atandy. Goldan keıin otandastarymyzdyń unjyrǵasy túsip, shabýyldy múldem umyta bastady. Álsin-álsin shabýyldaǵanymen, oıyn tizginin tolyq alań ıelerine berip qoıdy. Nátıjesinde, «Seltık» fýtbolshysy Djeıms Forrest 79-mınýtta esepti 4:0-ge jetkizdi. Al aradan toǵyz mınýt ótkende Igor Shıtov óz qaqpamyzǵa matchtaǵy sońǵy besinshi golyn soqty. Bir qyzyǵy, oıyndy «Astana» fýtbolshylary avtogolmen ashyp, avtogolmen jaýyp ıýerdi. Sóıtip, el chempıondarymyz Shotalndııadan 5:0 esebimen oısyraı jeńilip qaıtty.
Oıynnan keıin «Astana» klýbynyń bas bapkeri Stanımır Stoılov jýrnalısterge bergen suhbatynda shákirtteri birqatar jekeleı qatelik jibergenin, «Seltık» fýtbolshylary ózderine berilgen múmkindikti sátti paıdalana bilgenin atap ótti. «Seltık» komandasyn búgingi jeńisimen quttyqtaımyn. Búgin fýtbolshylaryma ne bolǵanyn túsinbeı dalmyn. О́te kóp óreskel qatelik jiberdi. Degenmen, óz elimizde ótetin jaýap oıynynda salmaqty oınap, jeńilmeýge tyrysamyz. Eger, jeńiske jetip jatsaq tipti jaqsy. Fýtbolshylarymyz «Astana Arenada» jaqsy oınaıdy. Sondaı-aq, jankúıerlerdiń qoldaýy bizge qosymsha kúsh beretinin aıtqym keledi» - deıdi S.Stoılov.
Aıta keteıik, «Astana»-«Seltık» arasyndaǵy pleı-off kezeńiniń jaýap kezdesýi 22 tamyzda «Astana Arenada» ótedi. Eki oıynnyń qorytyndysy boıynsha jeńiske jetken komanda Chempıondar lıgasynyń, al jeńiliske ushyraǵan klýb Eýropa lıgasynda toptyq kezeńinde oınaıtyn bolady.
Seltık» (Shotlandııa) – «Astana» (Qazaqstan) – 5:0 (2:0)
Gol: Postnıkov, 32-avtogol. Sınkler, 42. Sınkler, 60. Forrest, 79. Shıtov, 88-avtogol.
Eskertý: Braýn, 42. Tırnı, 49 – Postnıkov, 6. Logvınenko, 63. Shıtov, 69.
«Seltık»: Gordon, Tırnı, Shımýnovıch, Bıtton, Lýstıg, Ncham, Braýn, Sınkler, Rogıch (Makgregor, 63), Forrest (Armstrong, 82), Grıffıts.
«Astana»: Mokın, Shomko, Logvınenko (Beısebekov, 66), Postnıkov, Shıtov, Maevskıı, Klıaınhaısler, Mujyqov (Grahovas 82), Tomasov (Mýrtazaev, 77), Tvýması, Kabananga.
Tóreshiler: Hasegan, Shovre, George (bári de – Rýmynııa)
16 tamyz. Glazgo. «Seltık Park».