Selınograd aýdany Prırechnoe kentinde qýaty táýligine 165,2 tekshe metr sý jetkize alatyn jańa qondyrǵy salynady.
Selınograd aýdany ákimi baspasóz qyzmetiniń aqparatyna qaraǵanda, qazirgi tańda jobalaý-smetalyq qujattardy ázirleýge bıýdjetten tapsyrys berý úshin ınvestısııalyq usynystar pysyqtalýda. 2005 jyly atalǵan eldi mekende táýligine 30 tekshe metr sýdy tazarta alatyn modýl ornatylǵan bolatyn. Atalǵan jelige mektep qana qosylyp, turǵyndar sýdy qudyqtan tartyp iship keldi. Sondyqtan, sýdyń sapasyn jaqsartý maqsatynda jóndeý jumystary qolǵa alynyp, qazir eki aýysymda jumys júrgizilýde.
Asqar TURAPBAIULY,
«Egemen Qazaqstan»
Aqmola oblysy