Qazaqstandyq palýandardyń álemdik dodalarǵa daıyndyǵyn arttyrý men sheberlikterin ushtaý maqsatynda 23 jasqa deıingiler arasynda sambodan jáne erlerden áskerı sambodan osymen úshinshi ret uıymdastyrylyp otyrǵan jarysqa О́zbekstan, Tájikstan, sondaı-aq Qazaqstannyń Aqtóbe, Atyraý, Mańǵystaý, Batys Qazaqstan, Ońtústik Qazaqstan, Shyǵys Qazaqstan oblystarynan 120-ǵa jýyq sportshy qatysyp, 12 salmaq dárejesi boıynsha baq synady.
Týrnır qorytyndysynda salmaq dárejelerine qaraı Erasyl Baqyt (48 kg), Armat Qabdolov (52 kg, ekeýi de BQO-dan), Bazarbaı Jasulan (57 kg), Jeńis Qalabaı (62 kg, ekeýi de Aqtóbeden), Serikbaı Neǵmet (68 kg, BQO), Tólegen Nurǵalıev (74 kg, ShQO), Dáýren Bolatbekuly (82 kg, Atyraý), Elaman Qoıshybekov (90 kg, Aqtóbe), Oljas Súleımenov (100 kg), Temirlan Kólbaı (+100 kg, ekeýi de BQO-dan) chempıon atandy. Sondaı-aq áskerı sambodan Erjan Esenǵalıev (62 kg) pen Meırambek Bısenǵalıev (74 kg, ekeýi de BQO-dan) úzdik shyqty.
Jarystyń jeńimpaz-júldegerleri dıplom, medaldarmen, aqshalaı syılyqtarmen marapattaldy.
Oǵan qosa 48 kg salmaqta jeńimpaz atanǵan Erasyl Baqyt at mindi. Kezinde Asqar Shaıhıev osy salmaqta kúresken bolatyn.