Oblysqa jumys saparymen kelgen depýtat qala mektepteriniń muǵalimderimen jáne BAQ ókilderimen kezdesip, Elbasymyzdyń «Bolashaqqa baǵdar: rýhanı jańǵyrý» maqalasyna qatysty túsindirý jumystaryn júrgizdi. Maqalada kórsetilgen aspektiler – básekelik qabilet, pragmatızm, bilimniń saltanat qurýy, sananyń ashyqtyǵy máselelerin keńinen aıtyp ótti. Baǵdarlamalyq maqalanyń oblysta iske asý tetikterine toqtalyp, Qazaly jáne Qarmaqshy aýdandarynda atqarylǵan jumystarǵa oń baǵasyn berdi.
Sonymen birge, Natalıa Jumadildaeva óziniń depýtattyq qyzmeti týraly baıandady. Ekinshi sessııada atqarǵan jumystary men qazirgi qaralyp jatqan zań jobalary jaıly maǵlumat berip, oblys turǵyndarynan zań jobalaryna óz usynystary men pikirlerin joldaýdy surady. Qabyldanǵan nemese qazirgi qaraýda jatqan zań jobalarynyń halyq arasynda paıdalanylýdaǵy jaǵdaıyn zerdelep, qajet bolǵan jaǵdaıda, usynys berip, jerlesteriniń ótinishterin jetkizetinin málimdedi.
Kezdesýge qatysýshylardyń pikirin tyńdap, suraqtaryna jaýap berip, barsha ustazdar qaýymyn jańa oqý jylymen quttyqtady.
«Egemen-aqparat»