Uıymdastyrýshylardyń aıtýynan, fın jıhazy qorshaǵan ortaǵa eshqandaı ekologııalyq hám fızıologııalyq zııanyn tıgizbeıtin keremet dúnıe degendi ańǵardyq. Jıhaz jasaýshy «ISKU» konserniniń vıse-prezıdenti Tapıo Sıevılıaınen myrzanyń pikirinshe, Astanada ótip jatqan EKSPO-2017 kórmesiniń taqyryby keleshek energııasyna qatysty bolǵandyqtan, qorshaǵan ortaǵa zııansyz sapaly óndiris materıaldary arqyly jasalǵan bul jıhaz kórme ıdeıasymen ushtasyp tur. Sol sebepti, sıfrly jabdyqty jáne jańa tehnologııalardy paıdalanýdy ómir saltyna aınaldyrǵan Qazaqstan úshin kompanııa ónimi tutynýshyǵa shabyt syılary sózsiz.
Kúlli fın mektepteri men barlyq densaýlyq hám bilim berý qurylymdary «ISKU» konserniniń ónimin tutynady. Konsern alǵash 1928 jyly Lahtı qalasynda otbasylyq kásiporyn negizinde qurylǵan. Uzaq jyl jıhaz jobalaý, óndirý jáne satýmen aınalysyp keledi. О́z ónimderin Fınlıandııadan tys Soltústik Eýropa, Baltyq jaǵalaýy elderi, Polsha, Reseı jáne Taıaý Shyǵys elderinde ótkizedi. Qarjylyq aınalymy − 134 mln eýro.
Fınlıandııanyń bilim berý júıesin zertteýshi ǵylymı qyzmetker Pası Sılander myrza óziniń kezekti baıandamasynda «Fın jıhazy bakterııalarǵa qarsy qorǵanys jabyndysymen jaraqtalǵan álemdegi birden-bir ónim. Ol qoǵamdyq úı-jaılarda kez kelgen juqpaly aýrýlardyń jáne ınfeksııalardyń paıda bolýyna, taralýyna jol bermeıdi. Tipti ınfeksııalardy emhanaishilik jaǵdaıda juqtyrý prosesin 60 paıyzǵa, oqý mekemeleri men jumys oryndarynda syrqattanýdy boldyrmaýdy 20 paıyzǵa deıin azaıtatyn múmkindigi bar» ekenin jetkizdi.
Beken QAIRATULY,
«Egemen Qazaqstan»
Sýretti túsirgen
Orynbaı BALMURAT
«Egemen Qazaqstan»