Osyǵan oraı, Ortalyq kommýnıkasııalar qyzmetinde uıymdastyrylǵan brıfıngke «Kásibı áskerılendirilgen apattyq-qutqarý qyzmeti» RMK bas dırektorynyń mindetin atqarýshy, general-maıor Dıhanbek Satylǵanov pen bas dırektordyń orynbasary Qanat Amanov, Taý-ken jáne kómir salasynyń jedel aldyn alý jumystary jónindegi basqarma bastyǵy Sergeı Krysın jáne Munaı-gaz, hımııa salasy jedel-aldyn alý jumystary jónindegi basqarma bastyǵy Murat Qalıtov qatysyp, atalǵan másele tóńiregindegi jumystardyń jaı-japsaryn BAQ ókilderine baıandady.
Búgingi tańda elimizde oryn alýy múmkin kez kelgen tótenshe oqıǵa kezinde apattyq-qutqarý qyzmetiniń apatty joıý jumystaryna táýligine 2 800-den astam biliktiligi joǵary kásibı qutqarýshy men 600 birlik apattyq-qutqarý tehnıkasy jáne 6 700 birlik arnaıy jabdyqtar qoldanýǵa saqadaı-saı tur eken. Mundaı derekti brıfıng barysynda «KÁAQQ» RMK bas dırektorynyń mindetin atqarýshy general-maıor D.Satylǵanov habarlady.
Aldymen Shyǵys Qazaqstan, Pavlodar, Jambyl, Aqtóbe, Qostanaı, Qaraǵandy oblystarynyń qutqarýshylary qatysady dep josparlanǵan jıyn «KÁAQQ» RMK Qaraǵandy fılıalynyń oqý-jattyǵý polıgonynda 21-25 tamyz aralyǵynda ótpek. Jıynǵa qatysqan Taý-ken jáne kómir salasynyń jedel aldyn alý jumystary jónindegi basqarma bastyǵy S.Krysın, óz salasyndaǵy biliktilik básekesi «IV etapty taý-ken qutqarý boıynsha kópsaıysty jarys» degen ataýmen uıymdastyrylatyndyǵyn alǵa tartty.
Brıfıng barysynda Munaı-gaz, hımııa salasy jedel-aldyn alý jumystary jónindegi basqarma bastyǵy M.Qalıtov qyrkúıek aıynyń 28-30 aralyǵynda Atyraýda munaı gaz jáne hımııa salasyndaǵy «Atqylama–2017» arnaıy-taktıkalyq aýmaqtyq jattyǵý» sharasy Atyraý fılıalynyń oqý-jattyǵý polıgonynda ótetinin málimdedi. Arnaıy maqsattaǵy oqý-jattyǵýǵa Aqtóbe, Atyraý, Batys Qazaqstan, Mańǵystaý oblysynan birneshe komanda qatysady dep josparlanýda.
Nurlybek DOSYBAI, «Egemen Qazaqstan»