Qazaqstan Prezıdenti Ispanııa Koroli VI Felıpege Barselona qalasynda bolǵan terrorlyq aktige baılanysty kóńil aıtý jedelhatyn joldady
Memleket basshysy terrorlyq akt saldarynan kóptegen adamnyń qaza bolǵany týraly habardy zor kúızelispen qabyldady.
«Qazaqstan beıbitshilik pen qaýipsizdikke qarsy baǵyttalǵan bul jantúrshigerlik áreketti qatań aıyptaıdy jáne terrorızmmen kúreste jahandyq yntymaqtastyqty keńeıtýdi qoldaıdy», – delingen jedelhatta. Nursultan Nazarbaev Qazaqstan halqynyń jáne jeke óziniń atynan qaza bolǵandardyń otbasylary men jaqyndaryna, barsha ıspan halqyna, sondaı-aq Ispanııa Koroli VI Felıpege kóńil aıtyp, zardap shekkenderdiń tezirek saýyǵyp ketýine tilektestik bildirdi.