Múmkindigi shekteýli jáne ómirlik qıyn jaǵdaıǵa tap bolǵan azamattardyń problemalaryna qoǵamnyń nazaryn aýdarý maqsatynda uıymdastyrylǵan bul konkýrsqa oblystaǵy aýdan, qaladan 10 ótinim kelip tústi.
Áleýmettik jobalardy qoǵamdyq birlestikter men úkimettik emes uıymdar, qaýymdastyqtar jáne zańdy tulǵalar júzege asyrýda.
Kelip túsken jobalar oblystyq irikteý komıssııanyń otyrysynda qaralyp, nátıjesinde «Sana sezim» áıelder bastamalyq quqyqtyq ortalyǵynyń «Adam saýdasy» atty áleýmettik jobasy jeńimpaz atandy.
Avtory «Sana Sezim» áıelder bastamalary quqyqtyq ortalyǵynyń prezıdenti Hadısha Abysheva bolyp tabylatyn joba aıasynda olar azamattarǵa áleýmettik-turmystyq, áleýmettik-psıhologııalyq, áleýmettik-medısınalyq, áleýmettik-pedagogıkalyq, áleýmettik-quqyqtyq, áleýmettik-mádenı syndy qyzmet túrlerin kórsetedi.
Endi áleýmettik joba oblys atynan 2017 jyly 20 qyrkúıekte Astana qalasynda ótetin respýblıkalyq kórmege qatysatyn bolady.
Aıta keteıik, elimizde otbasylyq qatynastardy, moraldyq-etıkalyq jáne rýhanı-adamgershilik qundylyqtardy nyǵaıtý maqsatynda Qazaqstan Respýblıkasy Eńbek jáne halyqty áleýmettik qorǵaý mınıstrliginiń uıymdastyrýymen 2013 jyldan bastap ótkizilip keledi.