Keshe, shildeniń 21-i Amerıka Qurama Shtattary turǵyndary Kúnniń tolyq tutylýyna kýá boldy dep habarlaıdy Baq.kz aqparat agenttigi.
Aıdyń Kún betin tolyqtaı jabýy 99 jyldan beri bolmaǵan qubylys. Ol batystaǵy Oregonnan shyǵystaǵy Ońtústik Karolınaǵa deıin aralyqtaǵy 14 shtatqa, ondaǵy mıllıondaǵan adamǵa kórindi. Tabıǵı qubylysty eldiń basty telearnalary jáne NASA saıty tikeleı translıasııa arqyly kórsetti. Uıymnyń arnaıy jabdyqtalǵan ushaǵy Tynyq muhıt jaǵalaýy boıymen ushyp, tolyq tutylý aımaǵyna kirdi.
AQSh-tyń keı aýdandarynda Aı Kúnniń betin eki mınýt tutastaı japty. Oregon shtatyndaǵy Madras qalasyn qaratúnek basty. Bul qalashyqta jeti myń adam tursa, sırek tabıǵı qubylysyn óz kózderimen kórý úshin onda júz myńnan asa adam keldi.
Oqıǵany Aq úıden AQSh prezıdenti Donald Tramp otbasymen tamashalady.