Aqtaýda tabıǵı resýrstardy qorǵaý baǵytyndaǵy sharalar barysynda qyzyl balyqtyń zańsyz tasymaldanǵany anyqtaldy. Quqyq buzýshylyqty polısııa qyzmetkerleri jedel is-qımyl nátıjesinde áshkereledi, dep jazady Egemen.kz.
Respýblıka kóleminde 1-31 sáýir aralyǵynda «Bekire» jedel-profılaktıkalyq is-sharasy ótkizilip jatyr. Osy shara sheńberinde patrýldik polısııa batalonynyń qyzmetkerleri kúdikti avtokólikti nazarǵa alǵan.
Tekserý Mańǵystaý oblysy polısııa departamentiniń jedel basqarý ortalyǵyndaǵy beınebaqylaý kameralary arqyly tirkelgen. Jedel basqarý ortalyǵynyń ınspektory Almatov R. der kezinde áreket etip, kúdiktini ustaýǵa múmkindik berdi.
Aqtaý qalasyndaǵy MAEK mańyndaǵy aınalma jolda toqtatylǵan kólikti tekserý kezinde shamamen 40 keli (9 dana) zańsyz tasymaldanǵan qyzyl balyq anyqtalyp, tárkilendi.
Zańsyz balyq aýlaýshylarǵa 10 mln teńge aıyppul salyndy
Atalǵan fakti boıynsha Qylmystyq kodekstiń 339-baby (sırek kezdesetin jáne joıylyp ketý qaýpi tóngen janýarlarmen zańsyz aınalysý) boıynsha qylmystyq is qozǵaldy. Bul oqıǵa tabıǵı baılyqtardy qorǵaý jáne zańsyz aınalymǵa qarsy kúrestiń mańyzyn taǵy bir márte kórsetip otyr. Quqyq qorǵaý organdary mundaı quqyq buzýshylyqtarǵa tosqaýyl qoıý jumystaryn kúsheıtýdi jalǵastyrady. Aqmola oblysynda zańsyz balyq aýlaǵan eki turǵyn sottaldy