Ishki ister mınıstrligi Almaty qalasynda «STOP buzýshylyq» taqyrybynda aýqymdy jedel aldyn alý is-sharasy aıasynda joldarda jasyryn patrýldeý formaty engizilgenin habarlady, dep jazady Egemen.kz.
Is-shara aıasynda patrýldik polısııa qyzmetkerleri azamattyq kıimde, arnaıy belgileri joq kóliktermen baqylaý júrgizedi. Osylaısha, polısııa jol qozǵalysy erejelerin óreskel buzý derekterin anyqtap, ásirese agressıvti júrgizý faktilerin áshkereleýdi kózdep otyr. Olardyń qatarynda kúrt jolaq aýystyrý, «shahmat» tásilimen júrý, basqa kólikterdi qysyp ótý jáne apattyq jaǵdaılar týyndatý sekildi qaýipti áreketter bar.
Almaty kóshelerinde túngi avtojarystar jıiledi: Polısııa baqylaýdy kúsheıtti
Atalǵan quqyq buzýshylyqtardy tirkeı otyryp, jasyryn patrýlder aqparatty naqty ýaqyt rejıminde jaqyn mańdaǵy patrýldik polısııa ekıpajdaryna joldaıdy. Keıin sol ekıpajdar kólikti toqtatyp, júrgizýshini zańnamada belgilengen tártippen jaýapkershilikke tartady.
Batys Qazaqstan oblysynda polısııaǵa baǵynbaǵan bir top azamat ustaldy
«Bul tájirıbe óziniń tıimdiligin kórsetti. Tek ótken demalys kúnderiniń ózinde Almaty qalasynda agressıvti júrgizýdiń 28 deregi anyqtaldy. Barlyq quqyq buzýshy jaýapkershilikke tartyldy. Jasyryn patrýldeý – kózge birden túse bermeıtin óreskel quqyq buzýshylyqtardy anyqtaýdyń tıimdi quraly. Bizdiń mindet – tek jaýapkershilikke tartý ǵana emes, qaýipsiz júrgizý mádenıetin qalyptastyrý», dedi PD ákimshilik polısııa basqarmasynyń bastyǵy Abdınur Tasybaev.
Qostanaıda bir top mas adam polısııa qyzmetkerine shabýyl jasady