«Nóldik tózimdilik» prınsıpi usaq quqyqbuzýshylyqtarǵa da qoldanylady. Bul usaq quqyqbuzýshylyqtardyń úlken ári iri qylmystarǵa ulasyp ketpeýi úshin jasalyp otyrǵan qadam, - dedi Baqytjan Malybaev.
Bıyl qoǵamdyq tártip jelisi boıynsha 67 383 hattama rásimdeldi. Bul usaq buzaqylyq, alkogol ónimderin ishý jáne qoǵamdyq tártipti mas kúıinde buzý, abattandyrý erejelerin jáne tynyshtyqty buzý syndy buzýshylyqtarǵa qatysty.
Jyl basynan 7 aı ishinde Astanada qoǵamdyq oryndarda oryn alǵan 47 460 buzýshylyq tirkeldi. Bul ótken jyldyń sol kezeńimen salystyrǵanda 4 101 oqıǵaǵa tómen.
Aǵymdaǵy jyldyń basynan «nóldik tózimdilik» prınsıpin iske asyrý aıasynda elordada 162 quqyqbuzýshy ákimshilik qamaýǵa alyndy.
Qala turǵyndary men qonaqtary zańnyń buzýshylyqtary jóninde kelesi nómirlerge habarlasa alady: 102, 1402.
Sondaı-aq Astana q. jergilikti polısııa qyzmetiniń basshysy Baqytjan Malybaevqa 8-701-999-10-10 nómiri boıynshahabarlasýǵa bolady.