«Bul aıryqsha qala men onyń adamdaryn kórý men úshin rasynda da zor qurmet. Men, Marshall araldarynan kelgen kishigirim delegasııamen birge osynda, sizderdiń aralaryńyzda bolǵanymdy jáne keremet memleketti, mádenıet pen qaıyrymdy qonaqjaılylyqty kórgenimdi maqtan tutamyn», – degen Angelın Haıne Marshall araldary men Qazaqstan halyqtary arasynda uqsastyq bar ekenin jetkizdi.
Sondaı-aq, Angelın Haıne EKSPO-2017 kórmesiniń taqyryby Marshall araldary úshin úlken mańyzǵa ıe ekenin atap ótti. Ol sondaı-aq Marshall araldarynyń balamaly energııa túrlerin óndirý boıynsha júrgizip jatqan jumystarymen bólisip, 2020 jylǵa qaraı eldegi jańartylatyn energııa kózderin 20%-ǵa jetkizý josparlanyp otyrǵanyn maǵlumdady.
«2009 jyly bizdiń alǵashqy energetıka salasyndaǵy Ulttyq is-qımyl josparymyz qolǵa alyndy. Sodan beri aıtarlyqtaı ilgerileýshilik bar. Taza, senimdi, ekologııalyq turaqty energetıkaǵa qoljetimdilikti qamtamasyz etý úshin úkimet úı sharýashylyǵyna arnalǵan 3 myńnan astam kún júıelerin taratyp ornatty. Sondaı-aq, úkimet 2020 jylǵa qaraı eldegi jańartylatyn energııa kózderin 20%-ǵa jetkizýdi kózdeıdi», – dedi Marshall araldarynyń halyqaralyq energetıkalyq josparlar dırektory Angelın Haıne.
Marshall araldary Respýblıkasynyń ulttyq kúnin merekeleýge arnalǵan saltanatty sharaǵa Qazaqstan Respýblıkasy Qorǵanys jáne aeroǵarysh ónerkásibi mınıstriniń orynbasary Arman Ramazanov qatysty.
Ol EKSPO-2017 kórmesi eldiń úshinshi ónerkásiptik revolıýsııaǵa ótýine yqpal etetinin alǵa tartty.
Marshall araldarynyń ekspozısııasy «Tynyq muhıty plazasynda» usynylǵan. Bul – Mıkronezııa quramyndaǵy klımattyq ózgeristerge táýeldi Tynyq muhıtynda ornalasqan memleket. Ári, Klımat jónindegi kelisimge qol qoıǵan alǵashqy aralda ornalasqan elderdiń biri.