Bolashaqtyń bekem baǵdary

Konferensııa jumysyna Premer-Mınıstr Keńsesi basshysynyń orynbasary Erjan Babaqumarov qatysyp, quttyqtaý sóz sóıledi. Ol Prezıdenttiń alǵashqy eki jańǵyrtý baǵyttary ekonomıka men kon­stıtýsııalyq reformaǵa qatys­ty bolsa, úshinshisi, qoǵamdyq sanany jań­ǵyrtýǵa arnalǵanyn atap ót­ti. Osy­lardyń ishindegi eń mańyzdysy rý­ha­­­nı jańǵyrý. О́ıtkeni, ol elimizdiń ja­ńarý jolyndaǵy sheshýshi qadamyn is­ke asyratynyna toqtaldy. Ol osy konferensııaǵa qatysyp otyrǵan barlyq ǵalymdar men sarapshylardyń usynystary men pikirleri bılik úshin rýhanı jańǵy­rý­dyń durys baǵdaryn anyqtaýǵa septigin tı­gizetinin eskerte kelip, «Fran­sııanyń uly perzentteriniń biri Sharl de Goll halyqtyń qoldaý resýrsyna ıe bolyp, óz zamanynyń sıpatyn anyqtaı almaǵan saıasat quldyraýǵa ushy­raıdy degen eken. Meniń oıymsha Prezıdent N.Nazarbaev óziniń osy bas- tamasyn jasarda óz zamanynyń sıpatyn tolyqtaı uqqan dep sanaımyn», dep qorytty. 

Konferensııada alǵashqy baıandamany Qazaqstan Respýblıkasy Pre­zı­dentiniń janyndaǵy Strategııa­lyq zert­teýler ınstıtýtynyń dırek­tory Zarema Sháýkenova jasady. Instıtýttyń áleýmettik zertteýlerine qa­raǵanda ha­lyqtyń saıası belsendiligi ar­typ ke­ledi. Burynǵy 13 paıyzdan qa­zir ol 31 paıyzǵa deıin kóterilgen. Osy­nyń ózi halqymyzdyń azamattyq bel­sendiliginiń, ózindik pozısııasyn bil­dirýge umtylýshylyǵynyń, jań­ǵy­rýǵa, jasampazdyqqa talpy­nýynyń jaıyn kórsetip tur. «О́zderiniń sura­ny­­syn olar kóbinese ınternettegi áleý­met­tik jelilerdiń aqparatymen qa­na­ǵat­­tandyrady. Al ınternettiń te­ris aqparattaryn retteýge eshkimniń de sha­ma­­sy jetpeıdi. Sondyqtan da, qo­ǵamnyń saıa­sı qurylymyn jasaýdyń ma­ńyzy zor», deı kelip sheshen odan ári ózi­niń sózinde bul qyzmetti «Nur Otan» par­­tııasy atqaratynyn tilge tıek etti. So­ny­men birge, ol, strategııalyq zert­teý­ler qazaqstandyq jastardyń ba­tys­tyq qun­dy­lyqtarǵa beıim ekenin anyq­taǵanyn jet­kizdi. 

Ekinshi baıandamany «Qasıetti Qazaqstan» ǵylymı-zertteý ortaly­ǵy­nyń jetekshisi Berik Ábdiǵalıuly ja­sady. Prezıdenttiń baǵdarlamalyq maqa­lasynyń dál búgingi kúni jaryqqa shyǵýy sebebi: syn-qaterlerdiń kóbeıip bara jat­qandyǵynan ekenin aıta kelip, olar­ǵa ózimizdiń ulttyq qundylyq­ta­rymyzdy jańǵyrtý arqyly qarsy turýǵa bolatynyn atady. Odan ári sheshen ózderiniń búgingi kúnge deıin atqaryp jatqan jumystaryna qys­qasha sholý jasap ótti. Sonyń ishin­de halyqtyń kıeli degen jer­lerin túgendep, qaǵazǵa túsirip jat­qan­daryn aıtty. Máselen, Tańbaly tas, Ańyraqaı, Orbulaq, Bulanty sı­ıaqty jerlerdiń elimizdiń birliginiń, er­liginiń, tutastyǵynyń sımvoly retinde jań­ǵyrtylatyny jetkizildi. 

Sh.Ýálıhanov atyndaǵy Tarıh jáne etnologııa ınstıtýtynyń dırek­tory Zııabek Qabyldınov baıan­damasynda Elbasy óziniń baǵdar­lamalyq maqala­syn­da rýhanı jańǵyrý bizdiń ulttyq ta­rı­hymyzǵa, salt-dástúrlerimiz ben ádet-ǵuryptarymyzǵa negiz­deletinin aıt­qa­nyna basa nazar aý­dardy. Qazaqstan qazir­gi jahan­da­ný dáýiriniń bir bólshegi ǵana bolyp qalmaı, adamzatqa ózindik qundy­lyq­ta­ryn da tanyta bilýi kerek. Úndiniń uly perzenti Rabındranat Tagor: «árbir halyqtyń mindeti óziniń ulttyq kelbetin álemge tanytý, eger olaı jasamasa bul ulttyq qylmys bolady» dep jazǵan eken deı kelip,  odan ári rýhanı jańǵyrýdyń Pre­­zıdent belgilegen joldary týra­ly oılaryn ortaǵa saldy. Sonyń ishinde latyn árpine kóshý jaıyna toqtalyp, kırıllısanyń kóptegen tań­balarynyń ózi latyn álipbıinen alyn­ǵandyǵyn eske saldy. Al táýelsiz Qazaq­stan­nyń álemniń kelissóz alańyna, tý­rıstik orta­ly­ǵyna aınalǵanyn jas ur­paq kórip otyr. Halyqaralyq ortada tek latyn ár­piniń qoldanylatyndyǵyna olar kózin jetkizýde, dedi. 

Konferensııada basqa da belgili ǵalymdar, sheteldik mamandar ózderiniń oılaryn ortaǵa salyp, talqylanǵan másele boıynsha usynystaryn aıtty. 

Jaqsybaı SAMRAT, «Egemen Qazaqstan»