Astana qalasyndaǵy №54 mektep-lıseıde ótken saltanatty sharaǵa L.N.Gýmılev atyndaǵy Eýrazııa ulttyq ýnıversıtetiniń rektory, QR UǴA akademıgi, Astana qalalyq máslıhatynyń depýtaty Erlan Sydyqov qatysyp, mektep tabaldyryǵyn alǵash attaǵan balǵyn júzdi urpaqqa izgi tilegin arnady.
Onyń da jóni bar, №54 mektep-lıseıdiń bıylǵy 46 túlegi elimizdegi eń úzdik joǵary oqý oryndaryna tússe, sonyń deni L.N.Gýmılev atyndaǵy Eýrazııa ulttyq ýnıversıtetin tańdaǵan.
Saltanatty sharada aq tilekter aqtarylyp, án de salyndy, bı de bılendi. Sodan keıin judyryqtaı júregi lúpildegen balǵyndar alǵashqy muǵalimderiniń jetekteýimen synyptaryna kirip, partalaryna otyrdy. Bul olardyń «Men óz elimniń patrıotymyn» atty alǵashqy dáris tyńdaýy bolatyn.
Sóıtip, azat eldiń aıbynyn asyratyn balǵyndar kúzdiń alǵashqy kúninde jarqyn bolashaqqa qadam basty.
«Egemen-aqparat»