Pavlodar qalasynda barlyq jalpy orta bilim berý mektepteriniń 1-11 synyptary bes kúndik oqý rejımine kóshedi, dep habarlaıdy pavlodarnews.kz.
Bul týraly qalalyq bilim berý bólimi habarlady. QR BǴM Altynsarın atyndaǵy akademııanyń «2017-2018 oqý jylynda Qazaqstan Respýblıkasynyń jalpy orta bilim beretin uıymdarynda oqý prosesin uıymdastyrýdyń erekshelikteri týraly» Ádistemelik nusqaý haty negizinde 2017-2018 oqý jylynda barlyq 1-11 synyptarǵa bes kúndik oqý aptasyna aýysýǵa ruqsat beriledi. Bes kúndik oqý aptasy týraly sheshimdi ár mekteptiń ákimshiligi qabyldaıdy jáne ony Qamqorshylyq keńesimen nemese ata-analar komıtetimen kelisedi. Kúndelikti oqý júktemeligin ár mektep, mekteptiń múmkindikteri men jaǵdaılaryn negizge ala otyryp, sabaq kestesin qamqorlyq keńesimen nemese ata-analar komıtetimen kelisip ózdiginen anyqtaıdy.
Bul rette, bes kúndik rejimde oqý mekteptiń oqý jumys josparynyń ınvarıanttyq (mindetti) bóligi boıynsha júzege asyrylady. Varıatıvtik damytý senbi kúni júzege asyrylady (úıirmeler, fakýltatıvter, tańdaý boıynsha pánder). «Bilim berý obektilerine qoıylatyn sanıtarııalyq-epıdemıologııalyq talaptar» sanıtarııalyq qaǵıdalaryna ózgerister engizildi. Jańa sanıtarlyq qaǵıdalar barlyq jalpy orta bilim berý mektepterine 1-11 synyptarda bes kúndik oqý júıesin engizýge múmkindik beredi.
2017-2018 oqý jylynda sabaqtyń uzaqtyǵy 40 mınýtty quraıdy. Sabaqty bes mınýtqa qysqartý júktemelikti aıtarlyqtaı ulǵaıtpaı, qosymsha sabaqty qosýǵa múmkindik beredi. 2017 jylǵy 24 sáýirde QR Bilim jáne ǵylym mınıstri № 182 buıryǵymen «Qazaqstan Respýblıkasynyń orta bilim berý mekemelerinde úı tapsyrmasyn uıymdastyrý jáne oryndaý jónindegi ádistemelik nusqaýlyqtary» bekitildi.
Úı tapsyrmasyn oryndaý: 2-synypta - 50 mınýttan, 3-4 synyptarda - 70 mınýttan, 5-6 synyptarda - 90 mınýttan, 7-9 synyptarda - 110 mınýttan, 10-11 synyptarda - 130 mınýttan aspaýy tıis. Osy usynymdamaǵa sáıkes úı tapsyrmasyn daıyndaý ýaqytyn qysqartý úshin 5-11-synyptarda qosarlanǵan sabaqtar ótkizýge bolady. Qosarlanǵan sabaqtardy qandaı oqý páni arqyly júrgizýdi ár mekteptiń ákimshiligi ózderi anyqtaıdy. Kórkem ádebıetti oqýdy, jobaly jumystardy oryndaýdy, matematıkany tereńdetip oqý úshin esepterdi sheshýdi, birinshi synyp oqýshylaryna ekinshi jarty jyldyqtan bastap oqýdy qospaǵanda mereke jáne demalys kúnderine úı tapsyrmasy berilmeıdi.
Ár pándi oqýǵa bólingen oqý baǵdarlamalary jáne saǵattar sany ózgermeıdi, biraq 40-mınýttyq sabaq arqasynda 30 mınýt bosatylady. Iаǵnı, qosymsha sabaq qoıylǵan kezde, oqýshynyń mektepte bolý ýaqyty bar bolǵany 10 mınýtqa artady. Úlgilik oqý josparyna kelisildi eń joǵary oqý júktemeliginiń normasy jalpy orta bilim berý mektepteriniń 1-11 synyptarynda 24-39 saǵatty quraıdy. Mysaly, ekinshi aýysym oqýshylarynyń sabaqtary saǵat 14.10-da bastalady. 3-4 synyp oqýshylarynyń eń joǵary júktemeligi 29 saǵatty quraıdy (4 kún 6 sabaqtan, bir kún bes sabaq). Eń joǵary júkteme kúni ekinshi aýysymnyń 3-4 synyp oqýshylarynda sabaqtar saǵat 18.55-te aıaqtalady. Oqýshylardyń eń joǵary oqý júktemeligi QR BǴM oqý jospary negizinde jasap shyǵarylǵan, mekteptiń jumys josparymen anyqtalady. Bes kúndik oqý aptasy rejiminde saǵattar sany 1-2 synyptarda 4-5 sabaqtan, 3-4 synyptarda 5-6 sabaqtan, 5-7 synyptarda 6-7 sabaqtan, 8-11 synyptarda 7-8 sabaqtan bolady.