2011 jylǵy 2 tamyz, Astana, Úkimet Úıi
«Qazaqstan Respýblıkasy Ádilet mınıstrliginiń 2011 – 2015 jyldarǵa arnalǵan strategııalyq jospary týraly» Qazaqstan Respýblıkasy Úkimetiniń 2011 jylǵy 8 aqpandaǵy № 95 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Qazaqstan Respýblıkasy Ádilet mınıstrliginiń 2011 – 2014 jyldarǵa arnalǵan strategııalyq jospary týraly» Qazaqstan Respýblıkasy Úkimetiniń 2011 jylǵy 8 aqpandaǵy № 95 qaýlysyna mynadaı ózgerister men tolyqtyrýlar engizilsin:
kórsetilgen qaýlymen bekitilgen Qazaqstan Respýblıkasy Ádilet mınıstrliginiń 2011 – 2015 jyldarǵa arnalǵan strategııalyq josparynda:
«2. Aǵymdaǵy ahýaldy jáne qyzmettiń tıisti salalaryndaǵy (aıasyndaǵy) damý úrdisterin taldaý» degen bólimde:
3-tarmaq mynadaı redaksııada jazylsyn:
«3. Sot aktilerin oryndaý ınstıtýtyn jetildirý.
Retteletin sala nemese qyzmet aıasyn damytýdyń negizgi parametrleri.
«Qazaqstan Respýblıkasynda quqyq qorǵaý qyzmeti men sot júıesiniń tıimdiligin arttyrý jónindegi sharalar týraly» Qazaqstan Respýblıkasy Prezıdentiniń 2010 jylǵy 17 tamyzdaǵy № 1039 Jarlyǵymen Joǵarǵy Sot janyndaǵy Sot ákimshiligi jónindegi komıtettiń atqarýshylyq qujattardy oryndaý, jekelegen negizder boıynsha respýblıkalyq menshikke aınalǵan (túsken) múlikti esepke alý, saqtaý, baǵalaý jáne odan ári paıdalaný jónindegi fýnksııalary Qazaqstan Respýblıkasy Ádilet mınıstrliginiń qaraýyna berildi.
Osylaısha, sot aktilerin oryndaý bir memlekettik organda shoǵyrlanatyn bolady, bul halyqaralyq tájirıbege sáıkes keledi.
Sot aktilerin oryndaý ádil sot tóreligin júzege asyrýdyń sońǵy jáne sheshýshi satysy bolyp tabylady jáne olardy tıimdi oryndaý memlekettiń quqyqtyq júıesin nyǵaıtýdyń mańyzdy sharty ǵana emes, sonymen qatar kásipkerlik qurylymdardyń qyzmetine, eldiń ınvestısııalyq tartymdylyǵyn qamtamasyz etýge oń áser tıgizetin kúmánsiz faktor, sondaı-aq adamdardyń jalpy ádil sot tóreligine jáne memleketke degen seniminiń kepili bolyp tabylady.
Negizgi problemalardy taldaý.
2010 jyly 1 trln. 83 mlrd. teńge somaǵa 1,1 mln. astam atqarýshylyq qujat oryndaýda boldy. Bir sot oryndaýshysyna jylyna orta eseppen 600 atqarýshylyq qujattan keldi. Bul rette atqarýshylyq qujattardyń sany jyl saıyn ósip keledi (2008 j. – 798 myń, 2009 j. – 995 myń).
2010 jyldyń qorytyndylary boıynsha oryndaýda bolǵan 1,1 mln. atqarýshylyq qujattyń talaptary 482 myń atqarýshylyq qujat boıynsha nemese 43,8%-ǵa oryndaldy.
Osylaısha, búginde Qazaqstan Respýblıkanyń atynan shyǵarylatyn sot sheshimderiniń jartysynan kóbi ýaqtyly oryndalmaıdy, tıisinshe sot buzyldy dep tanyǵan quqyqtardy, bostandyqtardy jáne zańmen qorǵalatyn múddelerdi qorǵaý qamtamasyz etilmeıdi.
Sot oryndaýshylar ókilettikteriniń búgingi kólemin, jetkiliksiz materıaldyq-tehnıkalyq qamtamasyz etilýin, jalaqy deńgeıiniń tómendigin, kadrlardyń turaqtamaýyn eskere otyryp, jaqyn bolashaqta bul saladaǵy ahýaldyń jaqsy jaǵyna qaraı ózgerýi, ıaǵnı naqty oryndalǵan aktilerdiń sanynyń ulǵaıýy kútilip otyrǵan joq.
Osyǵan baılanysty, atqarýshylyq is júrgizý organdarynyń tıimdi júıesin qurýǵa baǵyttalǵan qosymsha júıelik sharalar qabyldaý oryndy kórinedi.
Atap aıtqanda, 2015 jylǵa deıin atqarýshylyq is júrgizý organdarynyń qyzmetin negizinen mynadaı mindetterdi sheshýge baǵdarlaý qajet.
Birinshiden, boryshkerlerdi sot sheshimderin óz erkimen oryndaýǵa ıtermeleýge múmkindik beretin jańa tásilder men ádisterdi praktıkaǵa kezeń-kezeńimen engizý jalǵastyrylady.
Ár túrli tirkeý organdary men uıymdarda, sondaı-aq halyqqa qyzmet kórsetetin uıymdarda boryshkerlerge qatysty stop-kartalar qoıý sharalardyń biri retinde bola alady.
Qazirdiń ózinde stop-kartalardy avtomatty rejımde shyǵarý birqatar shet elderde (AQSh, Izraıl, Ulybrıtanııa jáne taǵy basqalary) tabysty jumys isteýde. Osy sharanyń máni kólik quraldaryn tehnıkalyq baıqaýdan ótkizý, halyqqa qyzmet kórsetý ortalyqtarynda qujattardy resimdeý, ekinshi deńgeıdegi bankterde kredıt alý jáne t.b. sııaqty belgili bir is-qımyldardy júzege asyrýǵa boryshkerlerdiń múmkindigin shekteıtin bolady.
Mysaly, kólik quraldarynyń memlekettik tehnıkalyq baıqaýy sot sheshiminiń oryndalýyn rastaıtyn qujattardy usynǵannan keıin júrgizilýi tıis. Mundaı tetik salyq salasynda 2010 jyldan beri tabysty jumys isteýde («Jol júrisi qaýipsizdigi týraly» Qazaqstan Respýblıkasy Zańynyń 19-babynyń 3-tarmaǵy).
Ekinshiden, atqarýshylyq is júrgizý organdarynda aqparattyq júıe engiziledi.
Aqparattyq júıeni engizý atqarýshylyq is júrgizý júıesin oryndalatyn is-qımyldardy esepke alý men baqylaýdyń avtomattandyrylǵan quraldarymen qamtamasyz etýge, sondaı-aq Ádilet mınıstrligi Sot aktilerin oryndaý komıteti aýmaqtyq bólimsheleriniń elektrondy qujat aınalymyn engizýge múmkindik beredi.
«Atqarýshylyq is júrgizý jáne sot oryndaýshylarynyń mártebesi týraly» Zańnyń (budan ári – Zań) 37-babynyń 4-tarmaǵyna sáıkes sot oryndaýshysy atqarýshylyq is júrgizýdi qozǵaýmen bir mezgilde boryshkerge atqarýshylyq qujatty erikti oryndaý qajettigi týraly usynys jiberedi nemese tapsyrady.
Orta eseppen alǵanda, sot oryndaýshysy bir atqarýshylyq is júrgizý boıynsha atqarýshylyq is júrgizý taraptarynyń árbirine tórt ret jazbasha habarlama joldaıdy.
Atqarýshylyq is júrgizýdiń avtomattandyrylǵan aqparattyq júıesin engizý atqarýshylyq is júrgizýdiń taraptaryn uıaly baılanystyń aqparattyq habarlamalaryn jiberý jolymen habardar etý múmkindigin kózdeýge múmkindik berer edi, bul óz kezeginde atqarýshylyq is júrgizý organdarynyń poshta baılanysy qyzmetterine jumsalatyn shyǵyndaryn edáýir qysqartady.
Atqarýshylyq is júrgizýdiń avtomattandyrylǵan júıesi atqarýshylyq is júrgizý organdarynyń tirkeý organdarymen jáne uıymdarmen elektrondyq ózara is-qımylyn qamtamasyz etýge múmkindik beredi.
Máselen, búgingi kúni sot oryndaýshylary 14 ár túrli tirkeý organdary men uıymdarǵa suraý salýlaryn joldaıdy. Poshta baılanysy arqyly jaýap alý merzimderi kóbinese uzaqqa sozylady, bul sot aktilerin ýaqtyly jáne sapaly oryndaýǵa keri áserin tıgizedi.
Tirkeý organdarymen jáne uıymdarmen elektrondyq ózara is-qımyl jasaý sot oryndaýshylarynyń qajetti málimetterdi alý merzimderin bir kúnge deıin qysqartýǵa múmkindik beretinin atap ótý kerek.
Úshinshiden, sot oryndaýshylarynyń mártebesi jáne atqarýshylyq is júrgizý organdaryn materıaldyq-tehnıkalyq qamtamasyz etý artatyn bolady.
Búgingi tańda sot oryndaýshylary ókilettikteriniń kólemi men olardyń mártebesi birqatar ustanymdar boıynsha ýaqyt talabynan edáýir qalyp keledi jáne praktıkalyq qajettilikterge saı kelmeıdi.
Atap aıtqanda, sot oryndaýshylary banktik mekemelerdegi jeke tulǵalardyń shottary týraly málimet alýǵa quqyly tulǵalardyń tizbesine qosylmaǵan, óz ǵımarattary joq, kólikpen qamtamasyz etilmegen, sondaı-aq nysandy kıim-keshekpen, jetonmen jáne emblemamen tolyq kólemde qamtamasyz etilmegen.
Kórcetilgen jaǵdaı sot aktileri sapasynyń tómen oryndalýyna yqpal etedi, osy sebepterdiń saldarynan sot oryndaýshysy jumysynyń tartymdylyq deńgeıi de tómendeıdi, kadrlardyń jıi turaqtamaýy jáne bilikti kadrlardyń jetkiliksizdigi baıqalady.
Osyǵan baılanysty sot oryndaýshylarynyń mártebesin arttyrý jónindegi is-sharalar sheńberinde tıisti shara qybyldanylatyn bolady.
Sot aktilerin oryndaýdyń sapasy birqatar faktorlarǵa, onyń ishinde boryshkerdiń múliktik jaǵdaıy týraly málimetterdi sot oryndaýshysynyń jedel alý múmkindigine baılanysty bolady. Zańda sot aktisiniń oryndalýyn qamtamasyz etýdiń negizgi sharalarynyń biri retinde boryshkerdiń aqsha qarajatyna tyıym salýy kózdelgen. Alaıda, banktik zańnamaǵa sáıkes sot oryndaýshysy jeke tulǵalarǵa qatysty shottardyń jáne aqsha qarajatynyń bar bolýy týraly bankterden málimet alý múmkindiginen aıyrylǵan. Osyǵan baılanysty, zańnamaǵa tıisti túzetýler engizý boıynsha sharalar qabyldanatyn bolady.
Atqarýshylyq qujattardyń sapaly oryndalý sharttarynyń biri sot oryndaýshylarynyń tıisinshe materıaldyq-tehnıkalyq qamtamasyz etilýi bolyp tabylady.
Atqarýshylyq is júrgizý organdaryn sot júıesinen bólip shyǵarǵan kezde olardy ornalastyrý problemasy týyndady, óıtkeni olar buryn ornalasatyn ǵımarattar sot organdarynyń teńgeriminde tur.
Búgingi kúni atqarýshylyq is júrgizý organdary 233 jyljymaıtyn múlik obektisinde ornalastyrylǵan, olardyń ishinde bir ǵana obekt ózderiniń teńgeriminde tur, qalǵan obektiler aqyly nemese óteýsiz negizde basqa zańdy jáne jeke tulǵalardan jalǵa alynady.
Qazaqstan Respýblıkasy Joǵarǵy Soty Tóraǵasynyń jáne Qazaqstan Respýblıkasy Ádilet mınıstriniń birlesken buıryǵyna sáıkes 2011 jyly atqarýshylyq is júrgizý organdarynyń ǵımarattaryn ustaý jáne kommýnaldyq qyzmetter boıynsha shyǵystaryn Qazaqstan Respýblıkasy Joǵarǵy Soty júzege asyrýda.
Alaıda, 2012 jyldan bastap osy shyǵystardy atqarýshylyq is júrgizý organdary derbes júzege asyrady. Osyǵan baılanysty, atqarýshylyq is júrgizý organdarynyń menshikti ǵımarattardy satyp alý máselesin sheshý boıynsha kezeń-kezeńimen sharalar qabyldanatyn bolady.
Qoıylǵan mindetterdi oryndaý maqsatynda atqarýshylyq is júrgizý týraly zańnamada kózdelgen atqarýshylyq is-qımyldar jasaý úshin sot oryndaýshylaryn boryshker ne onyń múlki ornalasqan jerge barý júzege asyrylatyn kólik quraldarymen qamtamasyz etý máselesi de oryn alady.
Osy problema jeke aýyldyq okrýgterdiń aýdan ortalyǵynan alshaqtyǵy júzdegen kılometrdi quraıtyn aýdandyq aýmaqtyq bólimderde óte ótkir kúıinde qalýda. Bul rette qoǵamdyq kólikterdiń qozǵalysy múldem bolmaıdy.
Osyǵan baılanysty sot aktileriniń naqty jáne jedel oryndalýyn qamtamasyz etý úshin sot oryndaýshylaryn avtokólikpen qamtamasyz etý máselesi pysyqtalyp jatyr.
Máselen, Qazaqstan Respýblıkasy Úkimetiniń 1999 jylǵy 27 mamyrdaǵy № 663 qaýlysymen bekitilgen Qazaqstan Respýblıkasynyń memlekettik organdaryna kólik qyzmetin kórsetý úshin qyzmettik avtomobılderdiń tıistilik normatıviniń 19-tarmaǵyna sáıkes, departamentterdiń qurylǵan fılıaldarynyń – sot oryndaýshylarynyń aýdandyq (qalalyq) aýmaqtyq bólimderiniń sanyn eskere otyryp, atqarýshylyq is júrgizý organdarynyń qyzmettik (kezekshi) avtokólikterine muqtajdyǵy 296 birlikti quraıdy.
Teńgerimde 35 birliktiń bolýyn eskere otyryp, qosymsha qajettik 261 avtokólikti quraıdy.
Budan basqa, memlekettik qyzmetshilerdiń ımıdjine oń yqpal etetin jáne olardyń mártebesin anyqtaıtyn faktorlardyń biri nysandy kıimniń jáne tıisti jeke aıyrym belgileriniń bolýy.
Zańnyń 131-babynyń 3-tarmaǵyna sáıkes memlekettik sot oryndaýshylary nysandy kıimmen (pogonsyz), jetonmen jáne emblemamen qamtamasyz etiledi.
Negizgi syrtqy jáne ishki faktorlardy baǵalaý.
Atqarýshylyq is júrgizýdi jetildirý maqsatynda Zańda memlekettik sot oryndaýymen qatar jeke sot oryndaýshylary ınstıtýtyn engizý kózdelgen.
Jeke sot oryndaýshysy memlekettik sot oryndaýshysyna balama bolyp tabylady, memlekettik sot oryndaýshylarǵa kásibı básekelestik jasap, sot aktileriniń májbúrli oryndalýynyń sapasy men jedeldigin arttyrady.
Memlekettik sot oryndaýshysynyń aldynda jeke sot oryndaýshysynyń artyqshylyqtary tıimdi jumysqa materıaldyq múddelilik jáne sybaılas jemqorlyq kórinisiniń joqtyǵy bolyp tabylady.
Sondaı-aq jeke sot oryndaý ınstıtýtyn engizý atqarýshylyq is júrgizý organdaryn qamtamasyz etý úshin bıýdjettik shyǵystardyń qysqarýyn boljaıdy, bul bıýdjettik qarajatty únemdeýge múmkindik beredi, ony memlekettik sot oryndaýshylary ınstıtýtyn qamtamasyz etý jáne qaıta jabdyqtaýǵa baǵyttaýǵa bolady.
Oryndaýdyń memlekettik júıesinen kadrlardyń kúrt ketýin boldyrmaý úshin jeke sot oryndaýshylaryn jınaqtaý kezeń-kezeńimen júrgizilýi tıis. Zań qoldanysynyń alǵashqy jyldary respýblıka boıynsha atqarýshylyq is júrgizýdiń shamamen 20 – 25% (shamamen jylyna 200 – 250 myń qujat) jeke sot oryndaýshylarynyń oryndaýyna ótedi dep boljanýda, negizinen bul zańdy tulǵalar jáne kásipkerler arasyndaǵy daýlar boıynsha ister bolady.
Keıinnen jeke sot oryndaýshylaryndaǵy ister sany birte-birte respýblıka boıynsha jalpy sanynyń 50% deıin ósýi kútiledi (shamamen 450 – 500 myń). Qalǵan atqarýshylyq qujattar boıynsha (shamamen 500 myń) oryndaýmen memlekettik sot oryndaýshylary aınalysady. Bul jaǵdaılardyń 90 %-yn óndirip alý memleket paıdasyna júzege asyrylatyn ister – aıyppuldar (57%), memlekettik baj (22%), úkimder boıynsha memleket paıdasyna (5,5%), tárkileý (3%), sondaı-aq memleketten óndirip alý jáne t.b. Qalǵan 10%-y – negizinen otbasy-neke jáne alımenttik qatynastarmen baılanysty.»;
«3. Strategııalyq baǵyttar, maqsattar, mindetter, nysanaly ındıkatorlar, is-sharalar jáne nátıjeler kórsetkishteri» degen bólimde:
«2-strategııalyq baǵyt. Qylmystyq-atqarý júıesin jetildirý» degen 2-kishi bólimde:
«Bas bostandyǵynan aıyrý oryndarynda ustalatyn adamdardy medısınalyq qamtamasyz etý sapasyn arttyrý» degen 2.1.3-mindette:
«Sottalǵandar arasynda 100 000 adamǵa eseptegende týberkýlezben aýrý kórsetkishiniń tómendeýi» degen kórsetkishte:
«2010», «2011», «2012» degen baǵandarda memlekettik tildegi mátinge ózgerister engiziledi, orys tilinde ózgermeıdi:
2010 degen baǵandaǵy «680» degen sandar «767,6» degen sandarmen aýystyrylsyn;
2011 degen baǵandaǵy «670» degen sandar «766» degen sandarmen aýystyrylsyn;
2012 degen baǵandaǵy «660» degen sandar «765» degen sandarmen aýystyrylsyn;
2014 degen baǵandaǵy tek qana orys tilindegi mátinge ózgerister engiziledi, memlekettik tildegi mátin ózgermeıdi;
«3-strategııalyq baǵyt. Sot aktilerin oryndaý ınstıtýtyn jetildirý» degen 3-kishi bólim:
mynadaı mazmundaǵy joldarmen tolyqtyrylsyn:
« 3.1.2-mindet. Atqarýshylyq is júrgizý organdarynyń tıimdi júıesin qurý
Tikeleı nátıjeler kórsetkishteri Aqparat kózi О́lshem birligi 2009 (esepti jyl) 2010 (aǵymdaǵy jyldyń jospary) Josparly kezeńde
2011 2012 2013 2014 2015
1 2 3 4 5 6 7 8 9 10
1. Sot oryndaýshylary jasaǵan sybaılas jemqorlyqpen baılanysty quqyq buzýshylyq faktileriniń sany QR BP Quqyqtyq statıstıka jáne arnaıy esepke alý jónindegi komıtetiniń málimetteri Birlik 41 31 25 20 15 10 5
2. Atqarýshylyq is júrgizý organdarynda kadrlardyń aǵymdyǵy deńgeıiniń tómendeýi Ádilet mınıstrliginiń eseptik derekteri % - - 30 28 28 26 25
Tikeleı nátıjeler kórsetkishterine qol jetkizýge arnalǵan is-sharalar Josparly kezeńde oryndaý merzimi
2011 2012 2013 2014 2015
1 2 3 4 5 6
1. Atqarýshylyq is júrgizýdiń normatıvtik quqyqtyq bazasyn taldaý jáne ony jetildirý boıynsha Qazaqstan Respýblıkasynyń Úkimetine usynystardy engizý H H
2. Atqarýshylyq is júrgizý organdarynyń quqyq qorǵaý organdarymen jáne basqa daatqarýshylyq is júrgizý organdarymen ózara is-qımyl jónindegi keshendi jospar ázirleý. H H
3. Sot oryndaýshylarynyń mártebesin arttyrýǵa baǵyttalǵan sharalardy qabyldaý jónindegi usynystardy Qazaqstan Respýblıkasynyń Úkimetine engizý. H
4. Atqarýshylyq is júrgizý organdarynyń materıaldyq-tehnıkalyq qamtamasyz etilýin jaqsartý jónindegi usynystardy Respýblıkalyq bıýdjet komıssııasynyń qaraýyna engizý. H H
5. Sot oryndaýshylardyń ókilettikterin keńeıtý jónindegi usynystardy ázirleý jáne olardy Qazaqstan Respýblıkasynyń Úkimetine engizý. H
3.1.3-mindet. Atqarýshylyq is júrgizýge ınnovasııalyq tehnologııalardy jáne avtomattandyrylǵan aqparattyq júıelerdi engizý
Tikeleı nátıjeler kórsetkishteri Aqparat kózi О́lshem birligi 2009 (esepti jyl) 2010 (aǵymdaǵy jyldyń jospary) josparly kezeńde
2011 2012 2013 2014 2015
1 2 3 4 5 6 7 8 9 10
1. Oryndaý merzimderi buzylǵan atqarýshylyq is júrgizý úlesi. Ádilet mınıstrliginiń eseptik derekteri % 13,4 11,2 11 10 9 8 7
Tikeleı nátıjeler kórsetkishterine qol jetkizýge arnalǵan is-sharalar josparly kezeńde
2011 2012 2013 2014 2015
1 2 3 4 5 6
1. Atqarýshylyq is júrgizýdiń esepke alý jáne baqylaý avtomattandyrylǵan júıesin (AIJEABAJ) engizý jáne odan ári súıemeldeý. H H
2. Joǵary jyldamdyqta aqparat almasý úshin atqarýshylyq is júrgizý organdaryn kompıýterlik tehnıkamen – serverlermen qamtamasyz etý. H H
3. Atqarýshylyq is júrgizýdiń esepke alý jáne baqylaý avtomattandyrylǵan júıesin (AIJEABAJ) atqarýshylyq is júrgizý úshin qyzyǵýshylyq týǵyzatyn memlekettik organdardyń vedomstvolyq aqparattyq júıelerimen biriktirý. H
»;
«6-strategııalyq baǵyt. Ádilet organdary usynatyn memlekettik qyzmetterdiń sapasyn, azamattardyń quqyqtyq mádenıetin arttyrý jáne bilikti zań kómegine qoljetimdilikti qamtamasyz etý» degen kishi bólimde:
«Halyqtyń quqyqtyq mádenıetin arttyrý» degen 6.3-maqsatta:
«Halyqtyń quqyqtyq mádenıetin arttyrý sheńberinde quqyqtyq túsindirý jumysyn jetildirý» degen 6.3.1-mindette:
«tikeleı nátıjeler kórsetkishteri» mynadaı mazmundaǵy rettik nómirleri 4, 5-joldarmen tolyqtyrylsyn:
« 4. Ádilet mınıstrligi ÚEU birlesip, iske asyrylatyn áleýmettik mańyzy bar jobalardyń jyl saıynǵy sany Ádilet mınıstrliginiń eseptik derekteri sany 4 4 4 4 4 4
5. ÚEU-men jáne bıznes-sektormen birlesip iske asyrylǵan áleýmettik mańyzy bar jobalardyń úlesi (iske asyrylǵan áleýmettik mańyzy bar jobalardyń jalpy sanynan) Ádilet mınıstrliginiń eseptik derekteri % 100 100 100 100 100
»;
«4. Fýnksıonaldyq múmkindikterdi damytý» degen bólimde:
«Memlekettik organnyń strategııalyq baǵyty men maqsattaryn iske asyrý jónindegi is-sharalar» degen 2-baǵanda:
«Biryńǵaı aqparattyq ortany damytý» degen kishi bólim mynadaı mazmundaǵy 5-tarmaqpen tolyqtyrylsyn:
«5. Personaldyq jáne uıymdastyrýshylyq jabdyqtardy júıeli-tehnıkalyq súıemeldeý, vedomstvolyq jáne korporatıvtik aqparattyq júıelerdi, serverlik jabdyqtardy, sondaı-aq telekommýnıkasııalyq quraldardy súıemeldeý boıynsha taraptyq uıymdarmen kelisim jasaý arqyly Ádilet mınıstrliginiń AT-ınfraqurylymynyń úzdiksiz jumys isteýin qamtamasyz etý.»;
«7.1. Bıýdjettik baǵdarlamalar» degen kishi bólimde:
001 «Memlekettiń qyzmetin quqyqtyq qamtamasyz etý» degen bıýdjettik baǵdarlamada:
«Bıýdjettik shyǵystar kólemi» degen joldaǵy «2011 jyl» degen baǵandaǵy «6 831 874» degen sandar «6 499 185» degen sandarmen aýystyrylsyn;
«015 Jeke kýálik qujattaryn daıyndaý» degen bıýdjettik baǵdarlamada:
«2011 jyl» degen baǵanda:
«Azamattardyń jeke basyn kýálandyrý úshin daıyndalatyn qujattar sany» degen joldaǵy «1 910 001» degen sandar «0» degen sanmen aýystyrylsyn;
«Bıýdjettik shyǵystar kólemi» degen joldaǵy «6 400 089» degen sandar «0» degen sanmen aýystyrylsyn;
«022 Ádilet organdarynyń kúrdeli shyǵystary» degen bıýdjettik baǵdarlamada:
«2011 jyl» degen baǵanda:
«Bıýdjettik shyǵystar kólemi» degen joldaǵy «452 953» degen sandar «441 607» degen sandarmen aýystyrylsyn;
«7.2. Bıýdjet shyǵystarynyń jıyntyǵy» degen kishi bólimde:
«2011 jyl» degen baǵanda:
«Bıýdjettik shyǵystar barlyǵy» degen joldaǵy «58 953 693» degen sandar «52 209 569» degen sandarmen aýystyrylsyn;
«Aǵymdaǵy bıýdjettik baǵdarlamalar» degen joldaǵy «57 967 325» degen sandar «51 223 201» degen sandarmen aýystyrylsyn.
2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.