«Nur Otan» partııasynyń Astana qalalyq fılıaly tóraǵasynyń birinshi orynbasary Baqyt Saparov«Astana – rýhy myqty adamdardyń qalasy» – «Astana – gorod sılnyh dýhom lıýdeı» baǵdarlamasyn oryndaý aıasynda qala ákiminiń tapsyrmalaryn iske asyrý barysy týraly málimdedi, dep habarlaıdy elorda ákimdiginiń baspasóz qyzmeti.
- «Salamatty bolashaq» birlesken jobasy aıasynda «Asyl bala» qaýymdastyǵy «Nur Otan» partııasynyń qoldaýymen búgin qalada alǵashqy beıimdik júzý boıynsha seksııa ashylýda. Sondaı-aq, oqýshylar saraıynda beıimdik karate seksııasy ashylyp, jumys isteýde, - dep atap ótti Baqyt Saparov qala ákimi Áset Isekeshevtiń múmkindigi shekteýli balalarǵa kómek kórsetetin úkimettik emes uıymdardyń ókilderimen kezdesýinde.
Budan bólek, baǵdarlamany júzege asyrý aıasynda Astanada «Bilimde tózimdilik» halyqaralyq konferensııasy ótkizildi. Jeke balabaqsha bazasynda ınklıýzıvti engizý maqsatynda esperımentaldy alań ashyldy, balalar úshin «Saý denede – saý rýh» qalalyq sport týrnıri ótkizildi, «Balany mektepke daıyndaımyz» jobasynyń aıasynda 200-den astam balaǵa mektep quraldary tabystaldy.
Sonymen qatar, B.Saparovtyń sózinshe, «Kedergisiz keleshek» jobasy aıasynda turǵyndardyń az mobıldi toptary úshin qoljetimdi orta qurý úshin reıdtik tekserister júrgizilgen. Reıd barysyndajúz nysannyń 33-i qujattandyrylǵan. Qalǵandary aıaqtalý ústinde.
Buǵan deıin habarlanǵandaı, Astana 2020 jylǵa deıin ashyq, qaýipsiz, aqyldy, jaıly, ekologııalyq turaqty qalaǵa aınalýǵa umtylýda. Onda ár turǵynda barlyq áleýmettik ıgilikterge teń qoljetimdilik bolady.
Qala ákimdigi Astana turǵyndarynyń jaǵdaıyn jaqsartýǵa baǵyttalǵan elordanyń 2020 jylǵa deıingi damý baǵdarlamasy ózgertilgen bolatyn.