Júzimdikterdegi júıeli jumys

Azyq-túlik molshylyǵyn ja­saý­dyń basym baǵyttaryn basshy­lyqqa alǵan Eńbekshiqazaq aýda­nyn­da shaǵyn sharýashylyqtardy damy­tý qolǵa alynǵan. Klasterlik júıe­men jumysyn bastaǵan kásip­oryn­dar sońǵy jyldary júzimdik­terdi qalpyna keltire bastady. Aýdanda 4000 gektar alqapqa júzim ósirilse, onyń 1500 gektary «Gold­prodýkt» aksıonerlik qoǵamynyń enshisinde. «Goldprodýkt» aksıonerlik qo­ǵa­my salany 1997 jyldan beri da­mytýdy qolǵa alǵan. Ol kezde al­qap­tar qaraýsyz edi. Jekelegen sharýalarda úsh-tórt gektardan ǵana júzimdik alqaptar boldy. Sharap pen shyryn óndiretin kásiporyn zaýyty úshin az mólsherde ǵana ónim ótkizgen baǵbandarmen jumys isteý tıimsiz ekeni belgili. Osy kezde zaýytty shıkizatpen qamtamasyz etýdi óz qoldaryna alǵan ujym jekeshelendirý kezinde qaraýsyz qal­ǵan júzimdik alqaptardy qalpyna keltirý jumystaryna bel sheshe kirisipti. Qazir aksıonerlik qoǵamnyń bel­sendi eńbegi arqasynda aýdanda­ǵy 1500 gektar júzimdik alqap ónim berip, tutynýshynyń qajetin ash­qan. Onyń ústine osyndaǵy halyq kóktemnen bastap, kúz túskenshe júzimdikterde eńbek etedi. Aılyq­tary da jaqsy. – Elbasy ónimdi ósirýden bastap, óńdeýdegi klasterlik júıeni da­­my­týdy mindettegeni belgili. Son­­dyqtan osy baǵytta aıanbaı ju­mys isteýdemiz. О́nimdi kútip-bap­tap ósiremiz, óńdeımiz, sapaly azyq-túlik túrlerin dúken sórele­rine jiberemiz. Bul búgingi kúnniń talaby, – deıdi «Goldprodýkt» aksıonerlik qoǵamynyń bólim bastyǵy Iаkov Kýns. Aksıonerlik qoǵamnyń júzim sharýashylyǵymen aınalysatyn arnaıy bólimi bar. Mundaǵy mamandar Grýzııa, Fransııa elderiniń tájirıbesimen alqaptardy keńeı­tý­men qatar jańa sorttardy engizýge de den qoıǵan. Ásirese, júzimniń ashanalyq túrine qaraǵanda tehnı­kalyq sorttaryn óńdeý tıimdi. Sha­rýashylyqta «Shardone», «Kaber­ne», «Qara Pıno» degen rynokta joǵary suranysqa ıe júzim sort­tary ósirile bastaǵan. Qazir al­qap­ta júzimniń «Mýskat» degen sorty jınalyp, óńdeýge jol tartty. – О́tken jyly qys kóp áýrege saldy. Júzimderdiń túbin kómsek te, úsikke uryndy. 2010 jyly 7 myń tonnadaı júzim jınadyq. Bıylǵy nátıje sál bolsa da azdaý, – deıdi jumysshylar. О́tken ǵasyrdyń toqsanynshy jyldary elimizde 27 myńdaı júzim alqaptary bolypty. Onyń 10 myńnan astamy jemis-jıdek ósirý­men aınalysatyn Eńbekshiqazaq aýdanynyń enshisinde eken. Odan keıingi jyldary kúrt kemigen júzimdikter memlekettiń qoldaýy arqasynda ǵana kólemi artyp keledi. Sonyń dáleli, baǵbandar ár gektardan 45 sentnerden ónim alyp, alqapty 3650 gektarǵa jetkizgen. Árıne, aldaǵy josparlar aý­qym­dy. Máselen, 2015 jylǵa deıin aýdanda júzimdik alqaptaryn 8 myń gektarǵa jetkizý kózdelip, osy baǵyttaǵy jumys jandana túsken. Kúmisjan BAIJAN, Almaty oblysy.