2018 jyldyń qańtar aıynan bastap «Pavlodar-Almaty» baǵytynda zamanaýı jańa poıyz jolǵa shyǵady.
«Pavlodar-Almaty» baǵytynda júretin 31/32 poıyzynyń ornyna jańa zamanaýı «Tulpar-Talgo» JShS-niń vagondary jolǵa shyǵady. Bul týraly oblys ákimdiginde ótken jıyn barysynda «Jolaýshylar tasymaly» AQ-nyń vıse-prezıdenti Aıbat Kangalıev habarlady.
Onyń aıtýynsha, jańa vagondar beınebaqylaý, Wi-Fi, GPS quraldarymen, teleekrandarmen jáne bıodárethanalarmen jabdyqtalady.
– 26 vagonnan turatyn bul poıyzdardyń jyldamdyǵy saǵatyna 200 kılomet, - deıdi Aıbat Kangalıev. - Bul jol ýaqytyn 3,5 saǵatqa, naqtyraq aıtsaq, 28 saǵat 32 mınýttan 25 saǵat 6 mınýtqa deıin qysqartady. Temir jolmen saparǵa shyqqandarǵa «Ekspress» uıymynyń 254 qyzmetkeri qyzmet kórsetedi. Jýyq arada Pavlodar stansııasynda fılıaly ashylady. Aıta keteıik, poıyzdyń joldaǵy barlyq 19 stansııasy, bılet quny ózgerissiz qalady, qaıta otyryp baratyn oryndar baǵasy arzandaıdy. Jolaýshylar sany 400-den 480-ge deıin jetedi. Temperatýrasy -50 gradýstan +45 gradýsqa deıin jumys isteı beredi. Vagondardyń jaramdylyǵy - 40 jyl. Elimizdiń jolaýshylarynyń kóńilinen shyǵady degen senimdemin.
Budan bólek, «Tulpar-Talgo» vagondarynda meıramhana, bar, júk vagony, múmkindigi shekteýli jandarǵa arnalǵan vagon men arnaıy kóterý quraldary bar. О́z kezeginde Pavlodar oblysy ákiminiń orynbasary Dúısenbaı Turǵanov qyzmet sapasyna rıza ekendigin aıtyp, 2018 jyldyń qańtar aıynda «Pavlodar - Almaty» baǵytyndaǵy jańa poıyzdyń jolǵa shyǵýyn saltanatty túrde atap ótý kerektigin aıtty.