Búgin Astanadaǵy QR Tuńǵysh Prezıdenti – Elbasy Qory janyndaǵy Álemdik ekonomıka jáne saıasat ınstıtýtynda (ÁESI) «EKSPO 2017. Jasyl ekonomıkanyń keleshegi» atty konferensııa ótti.
Astanadaǵy EKSPO-2017 halyqaralyq mamandandyrylǵan kórmesi kelýshiler men túrli memleketterdiń mamandary tarapynan joǵary baǵa men jaǵymdy pikirlerge ıe boldy. Qazaqstan tańdap alǵan «Bolashaq energııasy» taqyryby birtindep jańǵyrmaly energı kózderine ótý qajettiligi boıynsha álemdik trendke tolyqtaı jaýap beredi. «Astana EKSPO-2017» qoıylǵan maqsatty sátti oryndap, jasyl tehnologııalar salasyndaǵy úzdik zerttemelerdi kórsetti. Kórmeniń Qazaqstan ekonomıkasynyń damýyna qosqan mýltıplıkatıvti áserine erekshe nazar aýdaryldy.
– Shaǵyn jáne orta bıznestegi 1400-den astam kásiporyn quny 640 mıllıard teńge bolatyn taýarlardy jetkizýge jáne qyzmet kórsetýge tapsyrys aldy. Týrıstik sektor jandana tústi. Týroperatorlardyń qyzmetine degen suranys 1,8 ese artty. Astanada kásipkerlik sýbektileriniń sany 10 paıyzdan asa kóbeıdi. Elorda bıýdjetine qyzmet kórsetý salasynan túsken salyq 1,2 ese ósti. Qazaqstannyń astanasy búkil álemniń nazaryn ózine aýdardy, – dedi Memleket basshysy Nursultan Nazarbaev Astanada ótken kórmeniń jabylý rásiminde.
Konferensııa barysynda sarapshylar, dıplomattar, saıasattanýshylar men qoǵam qaıratkerleri EKSPO-2017 kórmesiniń alǵashqy nátıjelerin talqylap, kórmeniń Qazaqstannyń jańǵyrmaly energetıkanyń damýyna qosqan úlesine baǵa berip, jalpy, álemdegi jasyl tehnologııalardyń keleshegine qatysty pikir almasty.
- Qazaqstan kezekti ret, turaqty ekonomıkalyq ósimdi qamtamasyz etetin jáne ekologııalyq syn-qaterlerdi joıa alatyn myqty áleýeti bar, «jasyl tehnologııalar» salasynda halyqaralyq seriktestikke beıim ekenin kórsetti, - dedi óz sózinde ÁESI dırektory Erjan Saltybaev.
Konferensııaǵa qatysýshylar elimizdiń «jasyl ekonomıkaǵa» ótýi, Qazaqstannyń turaqty damýy, klımatty ózgertý boıynsha Parıj kelisimin júzege asyrý sekildi ózekti suraqtar arqyly EKSPO-2017 kórmesiniń qorytyndylaryn qarastyrdy. Sarapshylar men analıtıkter Qazaqstannyń «jasyl bastamalardy» nasıhattaý boıynsha aımaqta kósh bastap turǵanynyna basym nazar aýdardy.
- О́zderińiz bilesizder, biz Ortalyq Azııa elderiniń ishinde birinshi bolyp «jasyl» ekonomıkaǵa ótý Konsepsııasyn qabyldadyq. BUU Bas Assambleıasynyń 66-shy sessııasynda Nursultan Nazarbaev álemge «Jasyl kópir» seriktestik baǵdarlamasy men Eýrazııalyq «jasyl» seriktestik Keshendi baǵdarlamasyn ázirleýdi usynǵan bolatyn. Bul jaǵynan alǵanda «Astana EKSPO-2017» atalmysh joldyń logıkaly jalǵasy bola bildi, - dedi Erjan Saltybaev.
Sharaǵa memlekettik organdar, «Astana EKSPO-2017 UK» AQ, QR Tuńǵysh Prezıdenti – Elbasy Qory, halyqaralyq uıymdar, QR akkredıtasııalanǵan dıplomatııalyq korpýs ókilderi, sonymen qatar, analıtıkalyq ınstıtýttar men qoǵamdyq uıymdardyń sarapshylary qatysty.