Memleket basshysy Nursultan Nazarbaev Túrik Respýblıkasynyń Prezıdenti Abdýlla Gúlge terrorlyq áreket qurbandaryna baılanysty kóńil aıtý jedelhatyn joldady, dep habarlady Qazaqstan Respýblıkasy Prezıdentiniń baspasóz qyzmeti.
Onda bylaı delingen: «Iýksekova jáne Chýkýrdja aýdandaryndaǵy terrorlyq áreket saldarynan túrik áskerleriniń qaza tapqany týraly sýyq habardy tereń kúızelispen qabyl aldym. Baýyrlas Túrkııanyń basynan keship otyrǵan osy orny tolmas qasiretti Qazaqstan halqy da bólisedi. Qazaqstan halqynyń atynan jáne óz atymnan qaza tapqandardyń otbasylaryna, týǵan-týystaryna qaıǵyryp kóńil aıtamyn».