Memlekettik tildiń latyn grafıkasyndaǵy álipbıiniń biryńǵaı standartyn engizý máselesi Qazaqstannyń árbir azamatyna qatysty jáne elimizdiń XXI ǵasyrdaǵy damýynyń, onyń ekonomıkalyq, áleýmettik jáne rýhanı jańǵyrýynyń jańa kezeńin ashady.
Jalpyulttyq talqylaý sheńberinde Qazaqstan halqy Assambleıasy men onyń Keńesiniń, QHA Ǵylymı-saraptamalyq keńesiniń músheleri, Dostyq úıleriniń, elimizdegi etnomádenı birlestikterdiń, ǵylymı-saraptamalyq toptardyń ókilderi jáne QHA kafedralarynyń, qoǵamdyq kelisim keńesteriniń, analar keńesteriniń, buqaralyq aqparat quraldary men jastar uıymdarynyń ókilderi Jańa álipbıdi talqylaý men qoldaýdyń biryńǵaı respýblıkalyq kúnin ótkizdi.
Qazaqstan halqy Assambleıasy tarıhı qadam – memlekettik tildiń latyn grafıkasyna kóshýin iske asyrý úshin bar kúsh-jigerin jumsaý jóninde tastúıin sheshimge bekigenin bildiredi.
Biz bárimiz de ózimizdiń táýelsiz tańdaýymyzdyń tek bizdiń jalpyulttyq múddelerimizben – tatýlyq pen kelisim, básekege qabilettilik, pragmatızm jáne sana ashyqtyǵy múddelerimen baılanysty ekenin anyq túsinemiz.
Bul – obektıvti qajettilikten týyndaǵan ýaqyt talaby.
Qazaq tilin latyn álipbıine kóshirý jalpyulttyq biriktirý faktory retinde memlekettik tildiń rólin odan ári bıiktete túsetinine, qoǵamdyq kelisim men jalpyulttyq birlikti nyǵaıtatynyna, ulttyq kodymyzdy saqtaýdy qamtamasyz etetinine nyq senimdimiz.
Latyn grafıkasyn engizý elimizdegi kóp tildiliktiń damýyna jaǵdaı jasaıdy. Qazaqstannyń álemdik ekonomıka men kommýnıkasııalarǵa, ǵylym men mádenıetke ıntegrasııalanýy úshin, ekonomıkalyq damý jáne yntymaqtastyq uıymyna kirý úshin, qoǵam ómiriniń barlyq salalaryn sıfrlandyrý prınsıpinde úshinshi jańǵyrtý júrgizý úshin uzaq merzimdi áser bere alady.
Bul ınvestorlar úshin, sheteldik týrıs-ter úshin jáne Qazaqstanǵa qyzyǵýshylyq tanytqandardyń barlyǵy úshin bizdiń elimizdi qoljetimdi de tartymdy ete túsedi. Zamanaýı qazaqstandyq mádenıetti jahanda ilgeriletý úshin jańa perspektıvalar ashady.
Shetelde turatyn otandastarymyz úshin ana tili men jazýdy damytýdyń, tarıhı otanymen jaqyndasýdyń jańa múmkindikteri paıda bolady. Latyn álipbıin engizý – elimizdiń básekege qabilettiligin arttyrýǵa jáne Qazaqstannyń álemniń neǵurlym damyǵan elderiniń «otyzdyǵyna» enýine baǵyttalǵan, jańǵyrtý reformalaryna tolyǵymen saı keletin jáne olardyń ajyramas bóligi bolyp tabylatyn pragmatıkalyq syndarly qadam bolyp tabylady.
Biz elimizdiń barlyq azamattaryn memlekettik tildiń jańa álipbıin talqylaý jáne qabyldaý boıynsha jumysty qoldaýǵa, qýatty da órkendegen Qazaqstandy qurýymyz úshin Memleket basshysynyń osy bastamasyn tıimdi iske asyrýdy qamtamasyz etýge shaqyramyz!
Latyn álipbıine kóshý – bizdiń ortaq mindetimiz!
QHA Ǵylymı-saraptamalyq keńesiniń keńeıtilgen otyrysy Astana qalasy, 2017 jylǵy 15 qyrkúıek