Zeınetaqy annýıteti talaptaryn jaqsartýǵa baǵyttalǵan zań jobasy tanystyryldy

Parlament Májilisiniń Ále­ý­met­tik-mádenı damý komıtetiniń uıymdas­ty­rýymen «Zeınetaqy annýıtetteri: múm­kindikteri men táýekeli» degen taqy­rypta «Qazaqstan Respýblı­ka­synyń keı­bir zańnamalyq aktilerine áleýmet­tik qamsyzdandyrý máseleleri boıynsha ózgerister men tolyqtyrý­lar engizý tý­raly» zań jobasynyń tanys­ty­rylymy ótti. Zań jobasy boıynsha Memlekettik annýıtettik kompanııa tóraǵasy Nurjan Álımuhanbetov baıandama jasady. Memlekettik annýıtettik kompanııa (MAK) 2004 jyly Úkimet qaýlysymen saqtandyrý ry­no­gyn da­mytý jáne respýblıkadaǵy áleýmettik reforma­lar­dy odan ári tereńdetý baǵdar­la­ma­laryn nátıjeli júzege asyrý maqsatynda qu­rylǵan edi. Aksııa paketterin tolyqtaı basqarý Eńbek jáne halyqty áleýmettik qorǵaý mınıstr­liginiń quzyretinde. Kom­panııanyń saqtandyrý agenttikteriniń jelisi kóp, Qazaqstannyń 25 qalasynda keńseleri bar. Qazir MAK Qazaq­standa ómirdi saqtandyrý boıynsha kompanııalar arasynda birneshe qarjylyq kórset­kish­teri boıynsha kóshbasshy bolyp keledi. «Memlekettik annýıtettik kompanııa» ómirdi saqtandyrý kompanııasy» zeınetaqy annýıteti ta­laptaryn jaqsartýǵa baǵyttalǵan birneshe óz­gertý­ler engizýdi usynǵan. Ásirese, zeınetkerlikke shyǵý kezinde jynystyq jas ereksheligin eskere otyryp, áıelder úshin zeınetaqy annýıtetin alýǵa jas erekshelik shekteýin 5 jylǵa tómendetý, tabal­dyryǵyn 50 jas dep belgileý jurtshylyq nazaryn aýdarýda. Sonymen qatar, azamattarǵa birneshe saq­tandyrý uıymdarymen zeınetaqy annýıtet keli­sim-shartyn jasasý jáne zeınetaqy jınaǵy jetkiliksiz bolǵan jaǵdaıda, annýıtetti satyp alýǵa jetpeı turǵan qarjyny ózge qarjy kózderinen qosymsha tóleý múmkindigi qarastyrylǵan. Endi MAK jańa ónim – birlesken (erli-zaıypty) zeı­net­aqy annýıtetin ázirleý ústinde. Zeınetaqy annýıteti – qazaqstandyqtardyń zeı­netaqy jınaqtarynyń alý jolyn tańdaý quqyǵyn júzege asyratyn jınaqtaýshy zeınet­aqy júıesiniń bóligi. Zeınetaqy annýıteti sharty bo­ıynsha jınaqtaýshy zeınetaqy qor­lary­nyń sa­lym­shylary saqtandyrý kompa­nııa­syna mindetti zeınetaqy jınaqtaryn aýdarý jolymen 55 jas­tan zeınetaqy tólemderin ómir boıy ala alady. «Eger qarastyrylyp otyrǵan ózgertýlerdi par­lamentshiler qoldasa, onda zeınetaqy annýıtetteri halyqtyń kóptegen bóligine qolaıly bolady», – deıdi MAK tóraǵasy. Osy usy­nys­tar zań jobasynyń tanystyrylymy kezinde or­taǵa tastaldy. Baıandamashyny muqııat tyńda­ǵan Má­jilis depýtattary G.Seıitmaǵanbetova, M.Aısına, О́.Bektóreev, G.Isimbaeva, V.Kııanskıı, O.Kıkolenko, E.Tarasenko zań jobasyna usynys engizýshilerge halyqtyń kókeıinde júrgen su­raq­tardy qoıdy, dep habarlady Májilistiń baspasóz qyzmeti.