Meksıkadaǵy jer silkinisinen zardap shekken qazaqstandyqtar týraly eshqandaı aqparat kelip túspegen, dep habarlaıdy QR SIM baspasóz qyzmeti.
«Meksıkadaǵy Qazaqstannyń elshiligi atalǵan eldiń astanasy men sol aýmaqqa jatatyn óńirlerde 7 baldyq jer silkinisi tirkelgenin habarlaıdy. Osynyń saldarynan ǵımarattar qırap, júzden asa adam kóz jumǵan. Qaza tapqandardyń sany budan da kóp bolýy múmkin. Zardap shekkenderdiń arasynda qazaqstandyqtardyń bary týraly aqparat kelip túsken joq», - delingen habarlamada.
QR SIM habarlaýynsha, elshiliktegi konsýldyq esepte turǵan adamdarmen baılanys ornatylǵan. Olarǵa sabyr saqtap, óz jaǵdaılary týraly jaqyndaryna habar berýge, jergilikti bıliktiń nusqaýyna qulaq asýǵa keńes berilgen. Eske sala ketsek, seısenbi kúni Meksıkada magnıtýdasy 7,1 baldyq jer silkinisi tirkeldi. Zilzala saldarynan 119 adamnyń mert bolǵany anyqtalyp otyr.
Meksıkanyń Ulttyq seısmıkalyq qyzmetiniń aqparatyna saı, jer asty dúmpýiniń epısentri Ahochıapan (Morelos shtaty) turǵylyqty mekeninen ońtústik-shyǵysqa qaraı 12 shaqyrym qashyqtyqta tirkelgen. Ahochıapan qalasy Meksıkada astanasynan 111 shaqyrym jerde jatyr. Zilzala oshaǵy 57 shaqyrym tereńdikte bolǵan.