Chempıondar lıgasynyń 2018/2019 maýsymynyń fınaly Madrıd (Ispanııa) qalasyndaǵy «Atletıko» komandasynyń «Vanda Metropolıtano» stadıonynda ótetin boldy. Bul týraly ÝEFA habarlady.
Fınaldyq kezdesý 2019 jyldyń 1 maýsymynda ótedi. Al Eýropa lıgasynyń aqtyq básekesi Baký qalasyndaǵy (Ázerbaıjan) «Olımpııa» arenasyna josparlanyp otyr. Al qos fınaldyń jeńimpazdaryn, ıaǵnı 2019 jylǵy Eýropa Sýperkýbogyn 14 tamyz kúni Ystanbul (Túrkııa) qalasyndaǵy «Beshıktash Stedıým» qabyldaıdy.
Mundaı sheshim Non (Shveısarııa) qalasynda ÝEFA-nyń atqarýshy komıtetiniń otyrysynda qabyldandy.
Al osy maýsymda Chempıondar lıgasynyń fınaly Kıev (Ýkraına) qalasyndaǵy «Olımpııa» stadıonynda ótedi. Bul týrnırdiń qazirgi jeńimpazy – «Real» komandasy. Al ótken jyly «Manchester Iýnaıted» jeńip alǵan Eýropa lıgasynyń bıylǵy sheshýshi oıyny Lıon qalasyndaǵy (Fransııa) «Olımpık Park» stadıonynda uıymdastyrylady. Al 2018 jylǵy Eýropa Sýperkýbogy Tallın qalasyndaǵy (Estonııa) «Lıllekıýla» alańynda ótedi.
Aıta keteıik, «Vanda Metropolıtano» stadıonynyń ashylýy ótken senbi kúni, ıaǵnı 16 qyrkúıekte boldy. Bul kúni madrıdtikter «Malaga» komandasyn 1:0 esebimen jeńdi. Jańa stadıondaǵy alǵashqy ári osy matchtaǵy jalǵyz goldy fransııalyq Antýan Grızmann saldy.