Mı-2 tikushaǵynyń avıasııalyq oqıǵasy boıynsha aqparat. 2017 jyldyń 22 qyrkúıegi kúni Astana ýaqyty boıynsha 0 saǵat 40 mınýtta Aqmola oblysyna qarasty Aqkól eldimekeniniń batys jaǵyndaǵy 6 shaqyrym jerde avıasııalyq oqıǵa boldy. Adam shyǵyny joq. Bul týraly Investısııalar jáne damý mınıstrliginiń baspasóz qyzmeti habarlady.
Maloaleksandrovka eldi mekeni aýmaǵynan Aqkól eldimekenine ushýdy oryndap, qonýǵa yńǵaılanǵan kezde jer qyrtysyna soǵylǵan tikushaqta ot tutanyp, tolyq janyp ketken. Qalpyna keltirýge jaramaıdy.
Oqys oqıǵa kezinde bortta bolǵan KVS V.V. Mankov men baqylaýshy ushqysh D.E. Baıbýsınov zardap shekken joq. Avıatehnık G.A. Balýevty kúıik shalǵan. Ol qazirgi ýaqytta Aqkól eldi mekeniniń aýrýhanasynda jatyr.
KVS Mankov Vladımır Vladımırovıch tirkeý nómiri «UP MI 212» Mı-2 tikushaǵymen jáne Aqmola avıatobynyń kúshimen Qazaqstan Respýblıkasy Aqmola oblysynyń memlekettik orman qory aýmaǵynda ormanavıasııalyq jumystardy oryndaǵan.
Anyqtama. «Tıan-Shan» ushý ortalyǵy Avıasııalyq kompanııasy JShS 1995 jyly qurylǵan. Avıasııalyq naryqta avıasııalyq jumystardy, sonyń ishinde QR aýmaǵyndaǵy ormanavıasııalyq jumystardy oryndaýǵa mandandyrylǵan.
Sońǵy 14 jylda avıakompanııada oqys oqıǵalar tirkelmegen. QR IDM Azamattyq avıasııa komıteti 2017 jyldyń 2 naýryzynda avıasııalyq jumystardy oryndaýdyń № KAZ-02/038 kýáligin bergen.