Astana qalasynyń Kásipodaq úıiniń ǵımaratynda Eńbek kúnin merekeleýge arnalǵan qalalyq eńbek forýmy ótti.
Forým aıasynda «Eńbek joly» qalalyq konkýrsynyń «Úzdik eńbek áýleti», «Jumys isteıtin jastardyń úzdik tálimgeri» jáne «О́ndiristiń úzdik jas mamany» nomınasııasy boıynsha jeńimpazdar jáne kásipteri boıynsha úzdikter dıplomdarmen jáne baǵaly syılyqtarmen marapattaldy.
Onlaın-daýys berýdiń jáne Astana qalasy ákimdiginiń janyndaǵy «Eńbek joly» konkýrsynyń jeńimpazdaryn anyqtaý jónindegi komıssııa sheshiminiń qorytyndylary boıynsha «Eńbek joly» konkýrsynyń «Úzdik eńbek áýleti» nomınasııasy boıynsha 1 oryndy Bazarbaevtar áýleti ıelendi. Temirjol transporty salasyna otbasynyń 15 múshesi óz úlesterin qosqan. Áýlettiń jalpy eńbek ótili – 739 jyl.
2 oryndy Nosıevter áýleti ıelendi. Bilim salasyna ózderiniń úlesterin otbasynyń 14 múshesi qosyp otyr. Áýlettiń jalpy eńbek ótili – 327 jyl.
3 oryn Raqymjanovtar áýletine berildi. Áýlettiń basshysy Raqymjanov Abdýla Tóknuly «Astana sý arnasy» ShJQ MKK №3 ýchaskesiniń tehnıkalyq qyzmet kórsetý ortalyǵynyń sheberi. Sonymen qatar atalǵan kásiporynda jubaıy men qyzy da eńbek etedi. Áýlettiń jalpy eńbek ótili – 57 jyl.
«Jumys isteıtin jastardyń úzdik tálimgeri» nomınasııasy boıynsha 1 oryndy «Astana-aımaqtyq elektrjelilik kompanııasy» AQ podstansııa qyzmetiniń 1 toptaǵy aǵa masteri Baısaldın Qastaı Sárýaruly, 2 oryndy «№ 5 Qalalyq emhana» ShJQ MKK-nyń bas dárigeriniń medısınalyq qyzmet kórsetýdi baqylaý jónindegi orynbasary Muldaǵalıeva Gúlnar Shahmanqyzy jáne 3 oryndy «Qazpochta» AQ «Astanalyq pochtamt» Astanalyq fılıalynyń oqytý jáne damytý jónindegi bas mamany Kerveneva Gúlmaǵıza Erejepqyzy ıelendi.
«О́ndiristiń úzdik jas mamany» nomınasııasy boıynsha 1 oryndy «Qazahtelekom» AQ «Astanatelekom» fılıalynyń óńirlik telekommýnıkasııa dıreksııasynyń jetekshi mamany Jeksembaev Saıat Qabdrǵalıuly, 2 oryndy «Astana sý arnasy» ShJQ MKK synaý zerthanalarynyń qarapaıym laboranty Qalıev Shernııazdan Serikuly jáne 3 oryndy «Qazpochta» AQ «Astanalyq pochtamt» Astanalyq fılıalynyń №4 sálemdemeler sýpermarketiniń baılanys operatory Danıarova Dına Asqarqyzy ıelendi.
Forýmǵa atqarýshy jáne ókiletti organdardyń, kásipodaq, úkimettik emes uıymdardyń, jumys berýshilerdiń, jumysshylardyń, BAQ-nyń ókilderi qatysty.