Qazaq qoǵamyn jańǵyrtýǵa bastaǵan birinshi, ekinshi jańǵyrý elimizdiń ekonomıkalyq áleýeti men halqymyzdyń jasampazdyǵyn álemge pash etti. Elbasynyń «Bolashaqqa baǵdar: rýhanı jańǵyrý» atty eńbeginde atap kórsetilgendeı ekonomıkalyq jáne saıası reformany qoǵamdy rýhanı jańǵyrtý arqyly ǵana baıandy etýge bolady. Sondyqtan da qoǵamdyq sanany ózgertý – qazaqstandyq úshinshi jańǵyrýdyń qýatty qaınar kózi bolyp tabylady.
Tuńǵysh Prezıdentimizdiń kóregen saıasatynyń arqasynda elimizdegi asa zor ómirlik máni bar til saıasatynyń kúrdeli de, názik máseleleri, árqashanda memlekettik turǵydan úılesimdi sheshimin taýyp keledi. Qazaq qoǵamynyń sanalyq jańǵyrý kezeńinde qazaq tilin ishteı túletip, jańa deńgeıge kóterý maqsatynda, qazaq jazýynyń latyn grafıkasyna negizdelgen jańa nusqasyn jasaý jónindegi bastamany qoǵamdyq orta, ásirese jastar qaýymy der kezinde kóterilgen, mańyzdy memlekettik deńgeıdegi másele dep qabyldap otyr.
Sóz joq, ǵalamdyq damýdyń jańa dáýirinde latyn álipbıine kóshý máselesi tarıhı qajettilik bolyp tabylady jáne til saıasatynda halyqaralyq aqparattyq-kommýnıkasııalyq quraldardy paıdalaný búkilálemdik trendter talabyna tolyq sáıkes keledi. Qazir dúnıe júzindegi asa ózekti aqparattar aǵynynyń 70 paıyzy latyn grafıkasymen beriledi. Álemdegi barlyq IT sala ózderiniń baǵdarlamalar bazasy men tehnıkalyq sheshimderin latyn tańbasynda jasaıdy. Bizdiń jastardyń latynshaǵa áldeqashan baýyr basyp alǵanyn atap aıtqan jón, qazir Qazaqstan jastary gadjetterdi belsendi qoldanady, elimizdiń basym bóligi latyn álipbıin jaqsy meńgergen. Demek, qazaq tilin latyn qarpine kóshirý búgingi ómirdiń shynaıy talaby bolyp tabylady. Ol, ana tilimizdiń álemdik órkenıet keńistigine sátti qosylýyna, onyń jańa geosaıası álemdegi qarym-qatynastyq mártebesiniń artýy men ǵylymı-tehnıkalyq progrestiń qalyń ortasynda bolýyna múmkindik týǵyzady.
Latyn álipbıindegi qazaq jazýyn qalyptastyrý – ulttyq sanany azat etip, jańǵyrtýǵa asa úlken qozǵaý salatyn, qazaqstandyq biregeılik pen ulttyq birlikti odan ári nyǵaıtýǵa yqpal etetin mańyzdy qadam.
Biz latyn grafıkasyna negizdelgen jańa álipbıdiń ultymyzdyń ǵalamdyq básekelestiktegi áleýetin arttyryp, Qazaqstannyń jańa tarıhynda Elbasy bastamalarynyń áldeneshe ret óz sheshimin tapqanyndaı tolyq iske asatynyna senimdimiz.
Bul – máni zor reforma
Búginde Qazaqstan dańǵyl joldyń basynda, anyǵyraq aıtqanda, bizder oqıǵanyń naq ortasynda turmyz. EKSPO-2017 halyqaralyq kórmesi aıaqtaldy. Islam Yntymaqtastyǵy Uıymynyń Ǵylym men tehnologııa boıynsha sammıti ótti. Munyń bári Qazaqstannyń álem alańynda bedeli zor oıynshy ekenin kórsetti.
Ústimizdegi jyldyń basty oqıǵasy retinde Prezıdenttiń «Bolashaqqa baǵdar: rýhanı jańǵyrý» atty baǵdarlamalyq maqalasy boldy. Munda qozǵalǵan máselelerdiń mańyzdylyǵyn bir aýyz sózben jetkizý qıyn. Bir ǵana «Týǵan jer» baǵdarlamasynyń ózi kóp nárseni ańǵartady. Osyndaı mańyzdy máselelerdiń biri bolyp qazaq tiliniń latyn qarpine birtindep aýysý joly der edik. Árıne, búgingi tańda álemde latyn álipbıi keńinen qoldanylady. Bul – ómir shyndyǵy.
Al eger biz áleýmettik jelilerge nazar aýdarsaq, onda jastardyń qazaq tilin jetkizý úshin áldeqashan latyn áripterin paıdalanatynyn kóremiz. Sonymen qatar Elbasy atap ótkendeı, latyn grafıkasyna aýysý kırıllısadan túpkilikti arylý bolyp tabylmaıdy. Ol tek qazaq tiline ǵana qatysty bolmaq.
Bul máni zor reforma eldiń qaýipsizdigin arttyryp, básekelestigin kúsheıtýge, Qazaqstanǵa álemdik aqparattyq keńistikten laıyqty oryn alýǵa dańǵyl jol ashady.
Bella GAZDIEVA, «Rodına» aýyldyq okrýginiń ákimi (Aqmola oblysy)