Bilikti maman bıikteıdi

Atalǵan sharany «QazMunaıGaz» AQ HR-blogy uıym­das­tyrdy. Negizgi maqsat –transfor­ma­sııa barysynda uıymdyq qu­rylymda bolyp jatqan ózgerister tý­raly kompanııa qyzmetkerlerin habardar etý, Job Matching jobasynyń mazmunyn túsindirý.

Jıynda «QazMunaıGaz» UK» AQ bas­qarma tóraǵasy Saýat Myńbaev já­ne adamı resýrstardy basqarý jó­nindegi vıse-prezıdent Serik Ábdenov sóz sóıledi. Basshylardyń málimdeýinshe, qazirgi tańda kompanııa álemdik talaptarǵa saı, zamanaýı ózgeristerdi qabyldaý úderisinde ma­ńyzdy sheshimderdi qabyldaýda. Má­selen, kompanııa jańa IRO-ǵa shy­ǵýǵa daıyndalýda, sondaı-aq adamı resýrstardy basqarýdyń jańa mo­delin engizip, úderisterdiń bóligin (HR, IT, býhgalterııa, qazynashylyq) Jalpy qyzmet kórsetý ortalyǵyna shyǵarmaq. Al atalǵan úderister túr­li deńgeıdegi laýazymdarǵa qoıy­latyn biliktilik talaptarynyń óz­gerýine ákeletini belgili.

Sondyq­tan QMG-ǵa engiziletin adamı resýrstardy basqarýdyń jańa modeli fýn­k­sı­onaldyń ózgerýine baılanysty bız­nesti kompanııa talap etetin bi­likti kadrlarmen qamtamasyz etý­di maqsat tutady. Endeshe Job Matching degenimiz, qarapaıym til­men túsindirsek, laýazymnyń ta­lap­­taryna sáıkes kadrlardy irikteý bo­lyp otyr. Al kadr­lar­dy irik­teý – transformasııa baǵ­dar­la­ma­sy­nyń negizgi talaby. О́ıtkeni tran­s- formasııalaýdyń nátıjesinde qu­ry­lym ózgeredi. Ákimshilik kadrlar qys­qarady, bul rette laýazymdar sa­ny azaıady. Ol laýazymdarǵa degen talaptar ózgeredi. 

Árıne, Job Matching – konkýrstyq pro­sedýra. Basqarma tóraǵasy Saýat Myńbaevtyń málimdeýinshe, osy kún­ge deıin osyndaı konkýrspen 25 laýazymǵa taǵaıyndaýlar bolǵan. Oǵan 63 úmitker qatysyp, ishinen tek 25-i ǵana iriktelip alynǵan. Onyń 17-si QMG-da burynnan ju­mys istep júrgender bolsa, 8-i syrt­tan kelgen bilikti mamandar. Osyn­daı taǵaıyndaýlardyń endi kelesi legine konkýrs ót­ki­zilmek, búgingi jınalys soǵan tú­sinik ju­mystaryn ótkizý, deıdi tó­raǵa. S­ondaı-aq ol Job Matching jo­ba­synyń mańyzdylyǵyn ári zamanǵa saı ekenin atap ótti. Sonymen birge joba kez kelgen kompanııanyń báse­ke­degi negizgi artyqshylyǵy bolyp tabylatyn qajetti biliktiligi men tájirıbesi bar, daǵdylar men bilimin da­mytqysy jáne bilgisi keletin ká­sip­qoılar shtatynyń irgetasyn qa­laı­tynyn jetkizdi.

Adamı resýrstardy basqarý jó­nindegi vıse-prezıdent Serik Ábdenov jobanyń júzege asyrylý ba­ry­syna toqtaldy. S.Ábdenovtiń aı­tý­ynsha, kompanııanyń kadr blo­gy bos oryn laýazymdaryna orna­la­sýǵa arnalǵan irikteýdiń aıqyn da júıeli rásimi bolyp tabylady. Aǵym­daǵy jyly Job Matching rá­si­mi qurylymdyq bólimsheler bas­shy­larynyń korporatıvtik fýn­ksııa­lary, Tasymaldaý, Qaıta óńdeý já­ne munaı marketıngi dıvızıondary; Ishki aýdıt qyzmetiniń jelilik qyz­metkerleri jáne «О́ndirý jáne bur­ǵy­laý tehnologııasy» ǴZI enshiles kom­panııasynyń basshylyǵy pozısııasynda ótetin bolady (113 pozısııa). Jobanyń alǵashqy kezeńi – fýn­ksıonaldyń jańartylǵany jáne ja­ńa biliktilik talaptaryn eskere oty­­ryp, laýazymdyq nusqaý­ly­q­tar­­­dy jazý. Ekinshi kezeńde ár­bir laý­azymdy greıdteý (baǵalaý) óte­di, kompanııanyń jalpy uıymdyq qu­rylymynda onyń «salmaǵy» anyq­talady, jalaqy sheginiń maq­sat­ty dıapazony aıqyndalady. Mu­nyń bárine PWC, Korn Ferrı/Heı Grýpp sııaqty jetekshi halyqaralyq kom­panııalardyń, sondaı-aq qorda osyǵan uqsas jobany iske asyrýda tájirıbesi bar «Samuryq-Qazyna» korporatıvtik ýnıversıtetiniń sarapshylary tartylady.

Laýazymdyq nusqaýlyqtardy já­ne greıdterdi bekitkennen keıin kan­dıdattardy irikteý bastalady. «Eń aldymen, jańa biliktilik ta­lap­taryna saı keletin ishki qyz­met­kerlerge kóńil bólinetin bola­dy», dep atap ótti S.Ábdenov. Kon­kýr­styq negizde birinshi kezektegi tár­tip­pen kompanııanyń kadr qyzmeti irik­tegen jáne birneshe jyldar boıy da­mytqan laýazymda otyrǵandar, bi­ryń­ǵaı kadr rezervindegi kandıdattar, sondaı-aq enshiles uıymdardyń bo­­lashaǵynan úmit kúttiretin qyz­met­kerleri qarastyrylatyn bolady. «Eger konkýrs ishki kandıdattar boıynsha jetkilikti sandy shyǵarmasa, ne olardyń kandıdatýralarynan konkýrstyq komıssııalar bas tartsa, biz HR naryǵynda izdestirýdi júzege asyratyn bolamyz», dedi S.Ábdenov.

Konkýrstyq irikteýge qatysýǵa tań­dap alynǵan kandıdattardyń ár­qaı­sysy jeke iskerlik bilik­ti­liginiń deńgeıin aıqyndaý úshin testileýden ótedi, qysqasha ýájdemelik esse jaza­dy jáne sońǵy úsh jyldaǵy jeke je­tis­tikteriniń tizbesin usynady. Kon­ký­rstyq komıssııalardyń quramyna QMG-niń beıindi basshylyǵynyń ókilderi, sondaı-aq «Samuryq-Qazyna» qorynyń ókilderi enedi. Jańa kandıdat izdestirý qajettigi jónindegi sheshim bolǵan jaǵdaıda tıisti aqparat kópshilik nazaryna jetkiziledi.

Atalǵan laýazymdar boıynsha konkýrstyq komıssııalardyń oty­rysyn 2017 jyldyń sońyna deı­in ót­kizý josparlanýda, al 2018 jy­ly osyn­daı rásimder QMG-niń kor­po­ra­tıvtik ortalyǵy men enshiles kom­pa­nııalarynyń qalǵan pozısııalaryna da qoldanylatyn bolady.

Aqparattyq sessııanyń sońyn­da pikir almasylyp, kompanııa bas­shy­ly­ǵy jınalǵandardyń suraq­ta­ryna jaýap berdi. 

Dınara BITIK, «Egemen Qazaqstan»