Múmkindikteri shekteýli adamdar

Olardyń negizgi quqyqtaryn qamtamasyz etý – ózekti máseleniń biri Keshe Parlament Májilisi Tóraǵasynyń orynbasary Vladımır Bob­rovtyń jetekshilik etýimen Úkimet saǵaty ótti. Onda Eńbek jáne halyqty áleýmettik qorǵaý mınıstri Gúlshara Áb­di­qa­lyqova «Múmkindikteri shekteýli adamdardy áleýmettik qoldaý jáne ońaltý júıesin damytý» taqyrybynda baıandama jasady. Sonymen qatar, baıandamashy osy másele tóńireginde depýtat­tardyń suraqtaryna jaýap berdi. Vladımır Bobrov áleýmettik qoldaýdy damytý jáne múm­kin­dikteri shekteýli adamdarǵa jaǵ­daı jasaý bizdiń memleketimizdiń belsendi júrgizip kele jatqan ba­sym­dyq berilgen saıasaty ekenin aıtyp ótti. Munyń negizinde múgedek­ter­diń ómir súrý deńgeıin jaqsartý maqsaty jatyr. Búgin talqylanyp otyrǵan múm­kindikteri shekteýli adam­dar­dyń negizgi quqyqtaryn qamtama­syz etý ózekti máseleniń biri eke­ni ras. Jáne bul myna jáıt­terge baılanysty. Qazirgi ýaqy­t­ta elimizde 563 myńnan astam mú­gedek jan turady, olar halyqtyń jal­py sanynyń 3%-dan astamyn qu­raı­dy. Búginde múgedektik jáne mú­gedekterdi áleýmettik qoldaý uǵymy ózgerip, jańa sıpatta iske asyrylýda. Aıtalyq, buǵan deıin Úkimettiń aldynda áleýmettik tó­lemderdi ýaqtyly tóleý máse­lesi ǵana tursa, qazirgi tańda bul mindet keńeıip, múgedekterdi ońal­tý, olardy qoǵamǵa kiriktirý máse­le­lerin qamtıdy, dedi G.Ábdiqa­lyq­o­va. Buǵan qosa bıyl arnaýly áleý­mettik qyzmet kór­setý júıesinde 2009 jyly bas­talǵan reforma­lar­dyń birinshi kezeńi aıaqtalyp keledi. Múmkin­dikteri shekteýli adam­dardyń qu­qyqtaryn qamtamasyz etý jáne ómir súrý sapasyn jaq­sartý úshin Qazaqstanda birqatar mańyzdy zańdardyń qabyldanǵa­nyn aıta ketken jón. Sonymen qatar, Qazaqstan Mú­gedekterdiń quqyqtary týraly konvensııa men onyń Fakýltatıvtik hattamasyna qol qoıý ar­qyly múmkindikteri shekteýli adamdarǵa qatysty halyqaralyq standarttardy ımplementasııalaý, ıaǵnı júzege asyrý boıynsha mindettemelerdi qabyldady. Bı­yl mınıstrlik múddeli memlekettik organdarmen, halyqaralyq já­ne úkimettik emes uıymdarmen birlese otyryp, uzaq merzimdi bo­lashaqqa arnalǵan ulttyq is-qı­myl josparynyń jobasyn daı­yn­dady. Bul is-sharalardyń aý­qym­dy bóligin múgedektikke ushy­raý qateriniń aldyn alý quraıdy. Mınıstr óziniń sózinde atal­ǵan toptaǵy adamdarǵa qatysty atqarylǵan, atqarylýy tıis ju­mys­tar men mindetter týraly ke­ńi­nen áńgimeledi. Problemalar men olardy sheshýdiń joldary haqyn­da da jan-jaqty sóz qozǵady. Úkimet saǵatyn Vladımır Bobrov qorytyndylady. Ol búgingi talqylanǵan másele qoǵam úshin mańyzy zor ekenin aıtty. Depýtattar kótergen máseleler men alǵa tartqan usynystar mınıstr­liktiń qyzmetinde nazarǵa alyna­tynyna senim bildirdi.