Astanada «Qazaqstan - Koreıa dostyq baǵy» ashyldy. Jańa saıabaq aımaǵy Qazaqstan jáne Koreıa halyqtary arasyndaǵy dostyq sımvoly bolady, dep habarlaıdy qala ákimdiginiń baspasóz qyzmeti.
Ashylý saltanatyna Astana ákimi Áset Isekeshev, aýyl sharýashylyǵy vıse-mınıstri Erlan Nysanbaev, Qazaqstan Respýblıkasyndaǵy Koreıa elshisi Kım Desık, QR Parlament depýtattary, Qazaqstan halqy assambleıasynyń músheleri, memlekettik organdardyń músheleri, etnomádenı birlestikter, jastar ÚEU jáne basqalar qatysty.
«Qazaqstan - Koreıa dostyǵy baǵy» jobasy Prezıdent Nursultan Nazarbaevpen Koreıa Respýblıkasynyń Prezıdentiniń 2014 jylǵy sapary kezinde kelisilgen áriptestik jobasy bolyp tabylady. Koreıa úkimeti saıabaǵynyń qurylysyna 1,7 mln dollar ınvestısııalandy.
«Qazaqstan- Koreıa dostyǵy baǵy» saıabaǵy – bul «Araı» saıabaǵymen shektesetin rekresııalyq aımaq, onda Koreıanyń ulttyq kolorıtin sáýlettik keńistiktiń qurylymynyń nátıjesinde sezinýge bolady. Saıabaqtyń basty atrıbýty «Dostyq qońyraýhanasy» bolyp tabylady. Koreıada jyldyń basy jáne aıaǵy qońyraýlardyń soǵylýymen jalǵasady. Sáýlettik qurylys eki el arasyndaǵy dostyqty bildiredi. Saıabaqqa kelýshiler aınadaı toǵan, gúlzar, koreı halqynyń dástúrli sáýletin kóre alady. Sondaı-aq, koreı ormany beınelengen orman sharýashylyǵy baǵyn kórýge bolady. Jańa kórikti jer Astananyń Araı jáne Jaýqazyn kósheleri (Shubar meshiti aýdany) boıynsha ornalasqan.
Saltanattyń aıaqtalýynda Koreıa Respýblıkasynyń Qazaqstan Respýblıkasyndaǵy elshisi Kım Desık myrza eki halyq arasyndaǵy dostyqtyń jańa sımvoly týraly ózi shyǵarǵan óleńin oqydy. Qurmetti qonaqtar baq aýmaǵyna Koreıanyń ulttyq gúli – gıbıskýsty otyrǵyzdy.