Shómishbaı aqynnyń án keshi

«Aınaldym senen, Atameken-aı!» dep atalyp, el Táýelsizdiginiń 20 jyldyǵyna arnaldy О́tken senbide Almatydaǵy kıeli shańy­raq­tardyń biri – Balýan Sholaq atyndaǵy Sport jáne mádenıet saraıynda «Nur Otan» partııasynyń qoldaýymen ótken aqyn Shó­mish­baı Sarıevtiń «Aınaldym senen, Ata­meken-aı!» atty avtorlyq keshi jurt­shy­lyqqa qýanyshty molynan syılady. Bul keshti Qa­zaq­stan estradasynyń úzdik óner juldyzdary kórkeıtkenin aıtýymyz kerek. Avtorlyq kesh ıesi respýblıka jurtshyly­ǵyna ondaǵan ta­nymal ánderdiń óleńderin týyndatqan aqjar­ma aqyn retinde keńinen málim desek, qate­les­pespiz. Sol sebepten de zal toly qaýym Qa­zaq­stannyń eńbegi sińgen qaıratkeri, Frans Kafka atyndaǵy halyq­aralyq Altyn medal syılyǵynyń, Jyl adamy – Altyn adam syı­lyǵynyń, Platına Tarlan syılyǵynyń laý­rea­ty Shómishbaı Sarıevti zor qoshemetpen qarsy alǵanyna tańdanýǵa bolmas. Sh.Sarıev Ádebıet jáne óner ınstı­týtyn­da ǵalym retinde izdene júrip «Abaı jáne Mahambet», «Mahambet – ult táýel­siz­diginiń kúresker aqyny» atty monografııalar jarııalaǵan edi. Soǵan oraı keshti Nur­ǵı­sa Tilendıev atyndaǵy akademııalyq folklor­lyq-etnografııalyq «Otyrar sazy» orkestri uly kompozıtor Nurǵısanyń «Mahambet» kúıi­men bastaýy da jarasyp turdy. «Elim meniń» atty báıgeniń eki dúrkin Gran-prı júl­degeri Shómishbaı Sarıev avtorlyq toı­dyń betashary retinde Táýelsizdikke arnaǵan jarqyn jyryn shashý etti. Al «Ata tol­ǵaýy» kúıi oryndalǵannan keıin avtordyń sazger Erlan Qanapııanovpen birigip jazǵan VII Qysqy Azııa oıyndary Alaý estafe­ta­synyń gımni «Azıada» áýeledi. «Netken jumbaq, sheksiz aspan kók ediń, Ǵalam degen qandaı ǵajap keń ediń. Júregimmen óleń syılap ómirge, Dúnıeni jalt qaratsam dep edim!» – dep jyrlaǵan aqyn Shó­mish­baı Sarıevtiń óle­ń­i­­ne jazylǵan «Aı­nal­­dym senen, Atameken-aı!» áni keshegi keńes úkimeti kezinde shetel qa­zaq­tarynyń án­ura­ny­na aı­na­lyp ketken edi. Osy án-óleńniń bir shý­maǵy Tuńǵysh Prezıdent murajaıyndaǵy «Úsh­qońyr» panora­ma­syn­da aqyn esimimen birge jazýly turǵany da tegin emes-aý. Olaı bolsa, ataqty ánshimiz Roza Rymbaeva shyrqa­ǵan osynaý arman ándi kóp­shilik taǵy da yqy­laspen qabyl aldy. 65 jasqa kelip otyr­­ǵan toı ıesin «Nur Otan» partııasynyń As­ta­nadan jetken ókili quttyqtap, partııa Tór­aǵa­synyń birinshi orynbasary Nurlan Nyǵ­ma­týlınniń iltıpatty sálemin jetkizdi. Sondaı-aq, osyndaı aq tilekke toly jedelhat quttyq­taý­lary Qyzylorda, Shyǵys Qazaq­stan, Mań­ǵys­­taý, Ońtústik Qazaqstan, Pavlodar obly­sy­nyń ákimderinen kelip túsip, bizdiń elimizde ákimniń aqyndy qurmetteı­tinin aıǵaqtady. Ákeli-balaly Eskendir jáne Birjan Ha­sanǵalıevtar Shómishbaı Sarıevpen sh­yǵar­ma­shylyq birlestikte jazylǵan «Qurylys­shylar ánuranynyń» tusaýyn kesti. Al, kópten bergi áriptesi Vladımır Pıtersevpen birigip jazylǵan «Áljan ana» áni Tuń­ǵysh Prezıdentimizdiń aıaýly anasyna ar­nalýy qandaı ǵanıbet. Bul ándi qazaqtyń ta­lantty ánshisi Gúlmıra Aqúrpekova oryn­da­dy. Osy arada qaıtys bolǵan kúni óz eliniń ulttyq merekesi bolyp jarııalanǵan Portý­ga­lııanyń uly aqyny Lýısh dı Kamoenstiń sonetteri qazaq oqyrmanyna Shómishbaı aqyn­nyń aýdarmasymen jetkenin aıta ketken jón. Sonymen birge, M.Áýezov atyndaǵy Ádebıet jáne óner ınstıtýty Táýelsiz­digi­miz­diń 20 jyldyǵyna arnap shyǵarǵan «Qa­zaq kórkemsóziniń sheberleri» atty kitapqa engen júz aqyn-jazýshynyń ishinen de Shó­keńdi ushyratamyz. Eli qurmettegen aqyn­nyń kitaby sonaý Úndistanda da jaryq kórgen. Mine, aqyn óziniń Tumanbaı Mol­da­ǵalıev, Qadyr Myrza Áli aǵalary sııaqty qa­zaqtyń án-óleńiniń aıtýly sheberine aı­nal­­ǵandyǵyn osy kesh barysynda aıqyn tanytty. Onyń tamasha sazgerlermen shabyt qanatynda týdyrǵan án-óleńderin bul avtor­lyq keshte Súleımen Ibragımov, Jeńis Seı­dollauly, Dúısenhan Syzdyqov, Baǵdat Sá­medınova, Estaı Álekeev, Amanqos Sadyqov, Elmıra Jańabergenova, Aı­jan Nurmaǵan­betova, Aqjol Meıirbekov já­ne t.b. jeztań­daı ánshiler Almaty aspanyna qalyqtatty. Tamasha án keshi Maıra Ilııasova zor shabyt­pen shyrqaǵan «Alǵa, Qazaq eli» áni­men túıindeldi. Qorǵanbek AMANJOL. Sýretti túsirgen Iýrıı BEKKER.