Taldyqorǵan teatry Astanada

Almaty oblystyq Bıken Rımova atyndaǵy drama teatry ótken jyly Almaty qalasynan bastap, Qyzylorda, Jambyl, Oń­tústik Qazaqstan oblystaryna gastroldik saparmen baryp qaıt­qan bolsa, bıylǵy jyly Shy­ǵys Qazaqstan jáne Soltústik Qazaq­stan oblys­tary jurtshylyǵyna óz óner­lerin kórsetken edi. Sodan kóp uzamaı Pavlodar, Kókshetaý, Petropavl, Astana, Qaraǵandy qalalaryna qaraı at basyn burǵan teatr ujymy óz kórermenderine bul joly T.Álip­baıdyń «Tomırıs», B.Rımovanyń «Qos muń­lyq», T. Ah­­tanov­tyń «Kúshik kúıeý», S.Bal­­ǵa­baevtyń «Ǵa­shyqsyz ǵasyr» N.Go­goldiń «Úı­le­ný» at­ty sah­na­lyq qoıy­lym­­da­ryn, sondaı-aq B.Soq­­paq­baevtyń bala­lar­ǵa arnalǵan «Tapqyr Qojana­syr» ertegisin usyn­dy. Eń aldymen Pav­lodar qa­la­syndaǵy J.Aı­maýytov atyndaǵy mýzyka­lyq drama teatryn­da óner kórset­ken olar budan keıin Petropavlda, Kók­shetaýda bol­dy. Bir aıta ketetin jáıt, atalmysh qa­la­lardyń bá­rin­­de teatr qoıy­lym­­­dary zor tabys­pen ótti. Osyn­daı kóte­riń­ki kó­ńil-kúı­men Astanaǵa kelip jetken teatr ujymy Q.Qýa­nysh­baev atyn­­daǵy qazaq mýzyka­lyq drama teatryn­da Bıken Rı­mova­nyń «Qos muń­lyq» monodra­masymen gastroldik shymyl­dy­­ǵyn ash­ty. Endi biz sóz oraıyna qaraı, teatr­dyń elordada tórt kún boıy óner kórse­tetinin aıtsaq deımiz. «Egemen-aqparat».