Avtorlyq baǵdarlamaǵa arnaldy

Otan Táýelsizdiginiń 20 jyldyǵyn merekeleýge arnalǵan is-sharalar aıasynda Bilim jáne ǵylym mınıstrliginiń «Daryn» respýblıkalyq ǵylymı-praktıkalyq or­ta­lyǵynyń uıytqy bolýymen jaqynda Shýche qalasyndaǵy «Bal­dáýren» respýb­lıkalyq oqý-saýyqtyrý ortaly­ǵy baza­synda «Úzdik avtorlyq baǵdarlama» atty respýblıkalyq konkýrs ótti. Oǵan respýblıkanyń barlyq aımaǵy­nan jınalǵan eń úzdik pedagogtar men psıhologtar qatysty. Alqaly jıynda daryn­dy balalarǵa bilim berý máseleleri talqy­lanyp, úzdik ádiste­me­ler men oqytý baǵ­dar­lamalary usynyldy. Elimizdegi daryndy balalarǵa arnalǵan 115 bilim berý uıymdarynyń oqý-tárbıe prosesin 6 myńǵa jýyq pedagogtar iske asyrýda. 2011 jyl­ǵy konkýrstyń qory­tyndy kezeńine usy­nylǵan ártúrli baǵyt­taǵy 162 jumystyń 85 jobasy ótti. Shy­ǵys Qazaqstan, Qostanaı, Al­maty, Qara­ǵandy, Ońtústik Qazaqstan oblys­tary­nyń, Astana qalasy, respýblıkalyq maman­dan­­dyrylǵan daryndy balalarǵa arnalǵan bilim berý uıymdarynyń ustazdary erekshe belsendilik tanytty. Konkýrs jeńimpazdary men júlde­gerleri mınıstrliktiń I, II, III dárejeli dıplomdarymen marapattaldy. Odan keıin pedagogtar Býrabaı tarıhı jáne tabıǵı eskertkishter aımaǵyna saıahat jasady. Súleımen MÁMET.