Qajetti kómek kórsetýge daıyn

Keshe Qazaqstan Respýblıkasynyń Prezıdenti Nursultan Nazarbaev Túrik Respýblıkasynyń Prezıdenti Abdýlla Gúlmen telefon arqyly sóılesti, dep habarlady Qazaqstan Respýblıkasy Prezıdentiniń baspasóz qyzmeti. Memleket basshysy Túrkııada bolǵan jer silkinisiniń saldary­nan kóptegen adamdardyń qurban bolǵanyna baılanysty kóńil aıt­ty jáne apattyń saldaryn joıýǵa qajetti kómek berýge daı­yn ekendigin bildirdi. Áńgimelesý barysynda taraptar ekijaqty qarym-qaty­nas­tar­dyń jaı-kúıi men perspektıva­syn, sondaı-aq Almatyda ótken Túrkitildes memleketter Ynty­maq­tastyq keńesiniń I Sammı­ti­niń qorytyndylaryn talqylady. Túrkııa Prezıdenti Abdýlla Gúl joǵary deńgeıdegi kezdesýge qatysa almaǵanyna baılanysty ókinishin bildirdi.