Birqatar nysandarda boldy

Senbi kúni Memleket basshysy Nursultan Nazarbaev Alma­ty qalasyndaǵy birqatar nysandarda boldy, dep habarlady Qa­zaqstan Respýblıkasy Prezıdentiniń baspasóz qyzmeti. Memleket basshysy Qazaqstan Respýblıkasynyń Tuńǵysh Prezıdenti atyndaǵy dendrosaıabaqta boldy. Almaty qalasynyń ákimi Ahmetjan Esimov Prezıdentke qalada saıabaq aımaǵyn damytý jospary týraly baıandady. Odan keıin Nursultan Nazarbaev «Nur-Múbárak» ıslam máde­nıe­ti ýnıversıtetinde bol­dy. Ýnıversıtet joǵary bilikti ımamdardy, ıslamtanýshylardy, dintanýshy­lar­dy, arab tili men ádebıetiniń aýdarmashylaryn daıar­laýdy jú­ze­ge asyrady. Qa­zaqstannyń Bas múftıi Ábsattar qajy Derbisáli men ýnıversıtet rektory Mahmud Fahmı Hıdjazı Memleket bas­shy­syna jańa oqý-ákimshilik korpýsyn tanys­tyr­dy. Prezıdent májilis zalyn, aýdıtorııany, kompıýter jáne lıngafon kabınetterin qarap shyǵyp, oqýshylarmen jáne oqy­tý­shylarmen áńgimelesti. – Ýnıversıtetti qurýdaǵy maq­­sat – qazaqstandyq meshitterde jumys isteıtin óz maman­dary­myzdy daıarlaý bolyp tabylady. Sizder ıslamdy oqýmen qatar, bizdiń halqymyzdyń ejelgi ta­rıhy men baı dástúrlerin de umytpaýlaryńyz kerek. Tarıhty, mádenıetti, ádebıetti, fıloso­fııa­ny bilýlerińiz kerek. Oqýdy bitirgennen keıin Qazaqstannyń barlyq óńirlerindegi meshitterde jumys isteıtin bolasyzdar. Sizder bizdiń qoǵamdaǵy birlik, beıbitshilik pen kelisimniń qansha­lyq­ty mańyzdy ekenin adamdarǵa túsindirýlerińiz qajet, – dep atap kórsetti Nursultan Nazarbaev.