Ertiske Esil kelip qosylǵandaı

Shyǵys Qazaqstan oblysynda Astana qalasynyń mádenı kúnderi úsh kún boıy dúrkirep ótti

BASTAMA QALAI TÝDY?

Keń-baıtaq qazaq eli táýel­sizdik alǵan nebári 20 jyl ishin­de adam nanǵysyz jetistikterge qol jetkizdi. Mysal kerek pe, olar jetkilikti. Na­ryq­tyń ótpeli kezeńinen sú­rin­beı ótip, el ekonomıkasyn birtindep túzeı bastadyq. Iri zaýyttar men óndiris oshaq­tary­nyń «ekinshi tynysyn» ashý ońaıǵa soqpaǵany belgili. Tar jol, taıǵaq keshýden áý­pi­rimdep ótip, alǵa qaraı jyljı bastadyq. Elbasy N.Nazar­baev­­tyń kemel basshylyǵy ná­tıjesinde Qazaqstandy búkil álem tanydy. Kúni keshe Astanada ótken Sammıt, EQYU-ǵa tóraǵalyq jasaý, Qysqy Azııa oıyn­daryn el esinde qala­tyn­daı mándi ótkizý elimizdiń aby­roı­yn asqaqtatty, qazir búkil álem jurtshylyǵy bizdi ta­ny­dy, moıyndady. Táýelsizdiktiń 20 jylynda, qysqa merzim bolsa da bıik belesterge jettik. Jan basyna shaq­qandaǵy tabys TMD elderi boıynsha alda tur. Adamdardyń ál-aýqaty jaqsaryp keledi. Bıyl merekeli de berekeli jyl. As­tyqtan buryn bolmaǵan nátıjege qol jetti. Endeshe, el táýel­siz­di­gin este qalatyndaı, keıingi ur­paq­qa sabaq bolarlyqtaı atap ótsek, abyroı emes pe! Osydan bir jarym aı buryn Astana qalasynda Shyǵys Qa­zaq­stan oblysynyń mádenı kúnderi ótken bolatyn. Kendial­taı­lyq­tar jergilikti jerde óndiril­gen kókónis, et, sút ónimderin saýdalap qana qoımaı, Altaı­dyń tabıǵaty, qazba baı­lyq­tary, baly, basqa da jetistikteri kórmesin ótkizip, án men jyrdan shashý shashqan edi. О́ńir basshysy Berdibek Saparbaev bastap barǵan delegasııa bilim ordalarynda bolyp, elimizdiń bas qalasynda bilim alyp jatqan jastarmen jolyǵyp, mektepterde kezdesýler ótkiz­di. Astanadaǵy Shyǵys Qazaq­stan oblysynyń kúnderi mándi de sándi ótti. Memlekettik hatshy Qanat Saýdabaev Astana qalasynyń ákimi Imanǵalı Tasmaǵambetov, Prezıdent Ákim­shiliginiń bólim meńgerýshisi Dar­han Myńbaı «Egemen Qa­zaqstan» respýblıqalyq gazeti» AQ prezıdenti Saýytbek Abdrahmanovpen pikir almas­qan kezde óńir basshysy Berdibek Máshbekuly elimizdiń jú­re­gi Astana qalasynyń kún­de­rin Shyǵys Qazaqstan obly­syn­da ótkizsek, elimizdiń qol jetken tabystaryn nasıhat­taý­men birge keıingi urpaqqa tamasha úlgi-ónege bolar edi degen oıyn bildirgen. Memlekettik hatshy men Astana qala­sy­nyń ákimi bul usynysty qyzý qoldaǵan edi.

ASTANANYŃ О́RKENDEÝI – О́ŃIRLERDIŃ DAMÝY

Sonymen, Astana qalalyq máslı­ha­ty­nyń hatshysy E.Ospanov, qala áki­miniń orynbasary Q.Sultanbekov bas­tap kelgen qonaqtardy oblys ákimi B. Saparbaev áýejaıdan qarsy aldy. Qo­naq­tardyń ishinde óner jáne mádenıet qaıratker­leri, halyq qalaýlylary, eń­bek ozattary bar. Olar ózderine qur­met kórsetip, sha­qyrǵandary úshin óńir basshysyna alǵy­syn bildirip, О́skemen men Astana qala­sy­nyń bul ynty­maq­taǵy baılanystary jemisin beredi degen oılaryn jetkizdi. Budan keıin qonaqtar D. Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń tehnoparkindegi «Astananyń órkendeýi – óńirlerdiń damýy» taqyrybyndaǵy ǵy­lymı-tájirıbelik konferensııa ju­my­syna qatysty. Ony Gýmılev atyn­daǵy Eýrazııa ýnıversıtetiniń pro­rek­tory D. Qamzabekuly júrgizip, sózdi oblys ákimi Berdibek Máshbekulyna berdi. – Astana – bizdiń júregimiz, Qa­zaq­stannyń ımıdji. Adamdardy dos­tyq pen tatýlyqqa, birlikke shaqy­ra­tyn Astana qalasy kún­deri­niń О́skemende ótip jat­qany tarıhı oqıǵa. Bizdiń sha­qy­rýy­myz­dy qabyl alǵan qala ákimi Iman­ǵalı Tas­ma­ǵam­betovke alǵysymyz sheksiz. Myna bir jaǵdaıǵa erekshe toqtalǵym keledi. As­­tana qala­synyń kúnderi tuń­ǵysh ret jaqynda ǵana Qytaıdyń Beı­jiń qala­syn­da ótken. Al óńirler ara­synda asta­na­lyqtar qala kún­derin alǵash ret kóne túrikterdiń Otany – ór Altaıdyń tóri­nen bastap otyr. Endeshe, sizderge, El­ba­syna, bú­kil astanalyqtarǵa, qazaq­stan­dyq­tarǵa myqty densaýlyq, aman­dyq tileımin, – dedi óńir basshysy jıyn­dy ashyp turyp. L.Gýmılev atyndaǵy ulttyq ýnı­ver­sıtettiń telejýrnalıstıka ka­fedra­synyń meńgerýshisi, professor Ǵadyl­bek Shalahmetovtyń «Altaı — Eýrazııa sıvılızasııasynyń altyn besigi» atty baıandamasyn jınalǵandar ynta qoıa tyńdady. Qarymdy qalamgerdiń Altaı týraly túsinigi tereń bolýynyń bir syry – ol óziniń jastyq shaǵynda osy mekende bolyp, talaı zertteýler ja­sa­ǵan eken. «Altaı – kók túrikteriniń Otany. Al búgin astanalyqtar ózderi­niń ata-babalary mekendegen qasıetti de kıeli Altaı topyraǵyna aıaq basyp tur. Endeshe, sizderge tabys, sáttilik tileımin», dep oıyn aıaqtady belgili telejýrnalıst. Parlament Májilisiniń depýtaty bolǵan, Semeı óńiriniń problemalaryn sheshýde talaı batyldyq tanytqan, qazir Eýrazııa ýnıversıtetiniń profes­so­ry Náýbet Qalıevtyń baıandamasy da tartymdy boldy. Ol Kendi Al­taı­dyń keshegi qıyndyqtardy jeńý kezindegi batyl is-qadamdary, qazirgi qol jetken tabystary jaıly aıta kelip, Astana qalasynyń ekonomıkasy jaı­ly da tyń oılar bildirdi. «Astana qa­la­sy kúnderi­niń kóne túrikterdiń al­tyn besigi Altaıdan bastalýynda úl­ken mán-maǵyna, astarly oı bar. El­ba­synyń kemeńger­lik basshylyǵy nátı­je­sinde elimiz alǵa batyl qadam jasaýda. Qazir búkil álem jurtshylyǵy El­basyn, Astanany jaq­sy biledi. Kúni keshe 56 memlekettiń bas­shylary Astana Sammıtine qatys­qan kezde Qazaq­stan­nyń qol jetken ta­bys­­taryna kýá bolyp, arý Astanany óz kózderimen kórip, tańǵaldy. Qysqa merzim ishinde boı kótergen ǵalamat keshender men ǵımarattardy salý shyn máninde erlik, órlik», dedi ǵalym. Professor Maral Habdýllına, eko­no­mıka ǵylymdarynyń kandıdaty Mer­hat Aıdarhanov, Prezıdent ja­nyn­daǵy arhıtektýralyq keńestiń mú­shesi, professor Amanjol Chıkanaev XXI ǵasyrdyń týyn­dysy ásem Astananyń boı kó­terýin­de Elbasynyń taban­dy­lyǵy men biliktiligi jat­qanyna basa toqtalyp, al­da­ǵy ýaqytta elimizdiń bas qa­lasynda boı kóteretin kó­rik­ti keshender men ásem ǵı­ma­rat­tar jaıly aıtyp berdi. – Qurmetti shyǵysqazaq­standyqtar! Bıyl el táýel­s­iz­diginiń 20 jyldyq mereı­toıy. Osyndaı mereıli baǵ­darlama aıasynda el birligin eseleýge arnalǵan aýqymdy sharalar kóptep atqarylyp jatyr. Bul rette sizderdiń Astanaǵa tartý etken maz­mun­­dy mádenı baǵ­darlama men sapaly ónim­der jár­meń­­kesi elorda jurt­shy­­ly­ǵynyń aıryqsha qur­meti­ne bó­lendi. Shyǵys aıma­ǵy ejelden ónimdi óndirisi men tyn­dy­rym­dy tirligi jo­ǵary óńir bolsa, Astana – elimizdiń jú­regine, táýel­siz­diktiń tiregine balanatyn, óńirlerge – ónege, aımaqtarǵa – úlgi bo­lyp sana­la­tyn aıshyqty qala. Búginde qala­myz­dyń óner salasy órge júzip, máde­nıet mazmuny dara sıpatta damyp keledi. Bul rette, osyndaı ıgi sharalar el óńirleriniń ózara berekeli birligi men yrysty yntymaǵyn eselep, qary­myn arttyra beredi degen senimdemiz. El táýelsizdiginiń 20 jyldyq merekesi qutty bolsyn! – degen Astana qa­la­sy­nyń ákimi Imanǵalı Tasmaǵam­betov­­tyń quttyq­taýyn qalalyq máslı­hattyń hat­shysy E. Ospanov oqyp berdi. Odan ári ol Astana qalasynyń qol jetken tabys­tary jaıly qysqasha derekter keltirdi.

Memorandýmǵa qol qoıyldy

Ǵylymı-tájirıbelik konferensııa aıaqtalǵan soń kelgen qonaqtar agro­óner­kásip jáne azyq-túlik taýar­lary­nyń jár­meńkesin tamashalady. Altaı­dyń ba­ly, omarta sharýa­shylyǵy, pan­ty dári­leri, basqa da ónimder jınal­ǵan­dardyń nazaryn aýdardy. Budan keıin E.Ospanov pen óńir basshysy taýar-ekonomıkalyq, týrızmdi damytý, jylyna eki ret osyn­daı mazmundy kez­desýlerdi ótkizý jó­nin­degi m­e­mo­ran­dýmǵa qol qoıdy. – Basty másele – ekonomıkany órge bastyrý, eki óńirdegi kásipker­lerdiń birlesken kásiporyndaryn qurý, otan­dyq ónimderdi shyǵarý, – dedi óńir bas­shy­sy baspasóz ókilderimen kezdesýinde. – Keleshekte densaýlyq saqtaý, bilim berý, mádenıet pen ónerdi da­mytý, ustaz­dar men ǵalymdar, stýdentter arasynda qa­rym-qatynasty jaqsy jolǵa qoıý nátı­jesin bermek. Máselen, shákirtter bir-birimen bilim sala­syn­da­ǵy qol jetken jetistikterin anyq­taı­tyn olımpıa­da­lardy jıi ótkizse, qandaı tamasha bolar edi. Qarııalar men balalar tabıǵaty ta­myl­jyǵan Altaıda demalystaryn mán­di ótkizip, densaýlyqtaryn túzese oń emes pe. Al sport básekeleri de eldiń qa­ryshtap alǵa basýyna oń yqpal eteri sózsiz. Al­taıdyń týrıstik baǵyttary bo­ıyn­­sha sizder jıi kelip, ony jetildirýge úles qossańyzdar, alǵystan basqa aı­tary­myz joq. Medısına salasynda da paıdaly ister atqarylmaq. Búgin Asta­na­nyń bilikti hırýrgteri birneshe kúr­deli operasııa jasap, bizdiń dárigerlerge tájirıbesin úıretti. О́ner murajaıynda Astana qalasynyń jádigerleri men tarıhı jetistikteri kórmesi uıymdas­ty­ryl­dy. О́z kezeginde kelgen qonaqtar bizdiń murajaıda boldy. Qazaqstandyq avtoqurastyrý óndirisiniń tuńǵyshy—«Azııa avto» zaýyty qazir she­tel­dikt­er­diń 17 túrli kólik­terin shyǵa­ra­dy. Tek Astana jurt­shylyǵy ǵana emes, búkil óńirler osyn­da qurastyrylǵan ónim­der­di satyp alsa, otandyq óndiristi qoldaý degen osy emes pe. Elbasynyń otandyq óndiristi damy­tý jónindegi tapsyrmasyn da nazardan shyǵarmaǵan jón. – Bul memorandýmǵa aldyn ala ázirlendik, kendi Altaıdyń óndiristik potensıalyn zerttedik, ol munda keremet qarqynmen damyp keledi. Máse­len, jańa energııany tutyný jónin­degi, teh­no­logııany jetildirýdegi jetistikter bar­­shylyq. Týrıstik toptar tájirıbe al­masýlary tıis, Astanany siz­derdiń oqý­shylaryńyz óz kózderi­men kórip, tamashalaýy da nazardan tys qalǵan joq. Aldaǵy ýaqytta mun­daı tıimdi de paı­daly kezdesýler jylyna eki ret ótip turmaq, – dedi Astana qalalyq máslı­haty­nyń hatshysy Ermek Ospanov.

О́SKEMENDEGI ASTANA KО́ShESI

Myńdaǵan júrekterdiń qylyn terbegen, kóńildi saz О́skemenniń kóshe­lerin­de qalyqtady. Áne, «Elim meniń» áni sharyqtap tur. Qonaqtar orna­las­qan «Shaını rıve» qonaqúıi aldyna úlken sahna ornatylypty. «Astana qalasynyń mádenı kún­derine qatysýshylarǵa jalyndy sálem!»,  degen jazýy bar stend alys­tan kóz tartady. Eki qalanyń arasyn­daǵy dos­tyq pen tatýlyqtyń kýásin­deı Solnechnaıa kóshe­si­niń turǵyndary úshin búgin erekshe kún. Kóshege jańa esim – Astana degen ataý berilmek. Bu­dan bir aı buryn kóshe turǵyndaryna saýaldama júrgiz­gen­de olardyń 83 paıyzy kóshege Astana degen at laıyq dep jaýap bergen. Demek, bul kóshe turǵyndarynyń bári de buǵan túsinis­tikpen qarady degen sóz. Ar­tynsha qalalyq máslıhattyń depý­tat­tary kó­she­ge Astana atyn bergen. Astana kóshesiniń saltanatty jaǵ­daı­da ashylýy ǵıbrat alarlyqtaı bo­lyp ótti. Munyń aldynda kóshe bo­ıyn­daǵy Komendantka ózeniniń boıy tazalanyp, kúl-qoqystan tazartylyp, onda kór­keı­tý jumystary júrgizilgen. О́zender ór­nektegen О́skemenniń óz­ge­she reńge ma­ly­nyp, kórkeıýine erekshe úles qosyp, tynymsyz jumystar at­qa­ryp júrgen qala ákimi Islam Ábishev kóshe turǵyn­darymen kezdesý kezinde ýádesin berip, munda biraz sharýa­lar­dyń tyndyry­la­tynyn aıtqan. Shy­nyn­da da, qazir kóshe boıyna aǵashtar otyrǵyzylyp, joldyń sapasy jaqsara túsken. – Astana – táýelsizdiktiń jemisi, eli­mizdiń maqtanyshy. Az jyldar ishinde ertegideı ásem qala turǵyzǵan El­ba­syna qazaqstandyqtardyń alǵysy shek­siz. Qazir Astanany búkil álem biledi, nebir mańyzdy sharalar men ha­lyq­aralyq dá­re­jedegi kezdesýler de osy qaladan bastaý alady. Astana qala­synyń ákimdi­gi­men birlese oty­ryp, biz bul kósheni bu­dan da sándi etip kórkeıtemiz. Úlbi ózeni­niń jaǵalaýyn qazir kórkeıtip jatyr­myz. Astana ataýymen jańa alleıa da atalmaq, – dedi Berdibek Máshbekuly. – О́ńir basshysy aıtqandaı, biz jańa kósheni qamqorlyqqa alamyz, jan-jaq­ty kómek jasaımyz. О́ske­men­degi Astana kó­shesimen kele jatqan adam­dar eli­miz­diń bas qalasynda júr­gendeı bolsa, tamasha emes pe. Qazir Astanada Shyǵys Qa­zaqstan oblysy órenderiniń ataýy­men 35 kóshe atalady eken. Olardyń qa­ta­ryn­­da Abaı, Áýezov, Potanın, taǵy bas­qa­lar bar. Elimiz, Elbasymyz aman bol­syn, táýel­sizdigimizdiń 20 jyldyq me­reı­­toıy­men quttyqtaımyn, – dedi qala­lyq más­lıhattyń hatshysy Ermek Ospanov. Budan keıin kelgen qonaqtar men ós­kemendikter aǵash kóshetterin otyr­ǵyz­dy. Qoǵam qaıratkerleri, aqyn, jazý­shy­lar Ánes Saraı, Tólen Ábdik, Aldan Smaıyl, Saýytbek Abdrahmanov, Serik Tur­ǵynbekov, Nesipbek Aıtuly, basqa da óner juldyzdary aǵash otyr­ǵyz­dy. «Men bul kúndi umytpaımyn. Qa­sıetti Altaı jerinde otyrǵyzylǵan aǵash búr jaryp, ol Astana kóshesinde jaıqa­lyp ósip tur­sa, nur ústine nur!», –dedi Tólen aǵamyz. Sol kúni О́skemendegi Nazarbaev atyn­­­­daǵy ıntellektýaldy mektepte «As­tana – Otanymnyń júregi» atty ashyq sa­­baq ótti. №15 kásibı lıseıde «Januıa, mek­tep, qoǵam: qoǵamdy biriktirýdegi sa­baqtastyq», № 44 orta mektepte «Bilim berý salasyndaǵy bas­qa­rý menedjmenti» degen taqyrypta kon­fe­ren­sııa ótti. Q.Qýanyshbaev atyn­daǵy sazdy drama teatry «Abaı» jáne «Antıvırýs» atty spektaklderdi jurtshylyq naza­ry­na usyn­dy. Ol anshlagpen ótti. 23 qazan­da Tursynbek Qabatovtyń qaty­sýy­men ót­ken «Kóńildi tapqyrlar teatry» shoý-baǵdarlamasy kópshiliktiń kóńilinen shyqty. Ortalyq mádenıet úıindegi astana­lyq­tardyń ónerin ústem etken konsert turǵyndardyń júregin baýrap aldy. Aıtqalı Jaıymov basqarǵan Astana qalasy memlekettik fılarmonııasy­nyń qazaq ult aspaptar orkestri «Sary­arqa» kúıin oryndaǵan kezde óskemen­dikter úlken qoshemet bildirip, oryn­dary­nan tik turdy. N.Tilen­dıev­tiń «Ma­ham­bet» poemasy, Abaı ánderi shyrqalǵan kezde kórermender beı-jaı qalmaı dúrkiretip qol soqty. Konsert sońynan oblys ákimi B.Saparbaev sahna tórine shyǵyp, óner­pazdarǵa alǵy­syn aıtty. Kelesi kúni qonaqtar «Ǵashyqtar alleıasy», Qalba taýynyń bıik shy­ńy­na ornatylǵan «Qazaqstan» degen aı­shyq­ty jazýy bar monýmentti tama­sha­la­dy. Sondaı-aq óner murajaıy men tarıhı eskertkish alańyn aralap kórdi. Astana qalasy memlekettik fılarmo­nııa­synyń sımfonııalyq orkestriniń konserti de jurt kóńilinen shyqty. Qo­ǵam qaıratkerleri, óner juldyz­dary qala turǵyndarymen kezdesýler ótkizip, el táýelsizdigi, 20 jylda qol jetken tabystar jaıly aıtyp berdi. Iá, Astananyń Shyǵys Qazaqstandaǵy máde­nı kúnderi el esinde uzaq ýaqyt saq­talmaq. Ol ári qaraı jalǵasa bermek.

ÝNIVERSITETTEGI JÚZDESÝ

Sársen Amanjolov atyndaǵy Shy­ǵys Qazaqstan memlekettik ýnıversıtetinde astanalyq aqyn-jazýshy­lar­men ótken júzdesý de meılinshe maǵy­na­ly boldy. Olar elimizdiń shyǵy­syn­daǵy irgeli oqý ornynyń búgingi tynys-tirshiligimen tanysty. Al mun­da sońǵy jyldardaǵy ózgeris-jańa­lyq­tar jetip artylady. Ol týraly ýnıversıtettiń ǵylymı keńesiniń má­jilis zalynda ótken júzdesýde atalǵan joǵary oqý ornynyń rektory, professor Beıbit Mamyraev baıandap ótti. Qazirde mundaǵy stýdentterdiń 60 pa­ıy­zy qazaq bólimderinde oqıdy eken. Al oblys ortalyǵyndaǵy qandas­tary­myzdyń sany 30 paıyzǵa endi jetipti. Osynyń ózi kóp nárseni ańǵartsa kerek. El táýelsizdiginiń 20 jyldyǵy qar­sańyndaǵy oblystaǵy jarqyn ister týraly oblys ákiminiń orynbasary Túsip­han Túsipbekov aıtyp berdi. Má­se­len, 20 jyldyqqa 20 jarqyn is aıa­syn­da oblys kásipkerleriniń kúshi­men ǵana jalpy quny 5 mıllıard teń­geniń ıgilikti sharýasy atqarylypty. «Týǵan elge taǵzym», «Týǵan el – al­tyn besigim» aksııalary aıasynda ótip jatqan rýhanı sharalardyń qunyna eshteńe jetpeıtini aıtpasa da túsinikti. Ýnıversıtettegi júzdesý negizinen Muqaǵalı Maqataev atyndaǵy syılyq­tyń laýreaty, aqyn Nesipbek Aıtuly­nyń shyǵarmashylyǵyna arnalǵanmen, onda qazaq ádebıetiniń qazirgi jaı-kúıi týraly aıtylmaı qalmady. Kezdesýge aqyn-jazýshylar Ánes Saraev, Tólen Ábdik, Aldan Smaıyl, Serik Tur­ǵyn­bekovtiń qatysyp, ózderine qoıyl­ǵan suraqtarǵa tııanaqty túrde jaýap bere otyryp, Nesipbektiń shyǵarma­shy­lyǵy týraly shyn kóńilden óz pikirlerin bildire ketýi keshtiń shyraıyn keltire tústi. Al keshke ýnıversıtet ujymynyń tyń­ǵylyqty ázirlengeni baıqalyp tur­dy. Soǵan oraı kezdesýge kelgen qalam­ger­ler de ashylyp sóıledi. «Men ózim shy­ǵys óńiriniń týmasy bolǵanymmen, О́ske­men­de óz oqýshylarymmen alǵash ret júz­­desip otyrmyn. Osynyń bári el táýel­­sizdiginiń arqasy», dedi Nesipbek. Ol búgingi kúnge deıin 20 shaqty kitap, 30 poema , 40-50 ánniń sózin jaz­ǵan eken. Erlik pen eldikti jyrlaǵan onyń das­tan­darynyń basym bóligi egemendikke qol jetkennen bergi kezeńde jazyl­ǵan. Son­dyq­tan qalamgerlerimiz ne tyn­dyryp júr degen turǵyda aıtylyp ja­ta­tyn ókpe-naz artyq pa deımiz. Al olarmen osyndaı mazmun­daǵy júzdesý­ler budan da jıi ótip jatsa, orynsyz kúńkilge jol berilmeıtindigi aıtpasa da túsinikti.

 SEMEILIKTERGE RIZA BOLDY

Oblys ortalyǵy О́skemende eki kún­ge sozylǵan merekelik sharalardyń óz máninde ótýine semeılikter de ózderiniń laıyqty úlesterin qosa bildi. Iаǵnı, munda ekinshi kúni «Týǵan el – altyn besigim» aksııasynyń aıasyn­da Semeı qalasynyń kúni ótkizildi. Respýblıka alańynda semeılikter kúshimen óner týyndylarynyń, ulttyq qolóner bu­ıym­darynyń, jergilikti taýar óndirý­shi­ler ónimderiniń kórme saýdasy uıym­das­tyryldy. Onyń syrtynda balalar­dyń qoldanbaly óner, kitap, qala mura­jaı­larynyń, ulttyq mádenı ortalyq­tary­nyń kórmeleri men oıyn-saýyq, baı­qaý­lary ótip jatty. Tańerteńnen-aq qyzyp bergen jár­meń­keniń óz máninde ótýine Semeı qala­sy­na qarasty 14 aýyldyq okrýg pen qala­daǵy et jáne un-qurama jem kombı­nat­tary, broıler qus fabrıkasy laıyq­ty úlesterin qosty. Sóıtip, tús aýǵansha óskemendikterge 12 tonna et, 60 tonna kókónis satyldy. Onyń bári bazar baǵa­synan birshama tómen bol­ǵan­dyǵy óz al­dyna bir áńgime. Sony­men birge, óske­men­dikter bolsyn, qala qonaqtary bol­syn semeılik qol­óner sheberlerine rıza­shylyqtaryn bildirip jatty. «Búgin kóp taýarymyz qolǵa tımeı ótip ketti. Astanada ótken oblys kúnderinde de solaı bolǵan edi. Sondyqtan ózara barys-kelis­ke ne jetsin», dedi Arhat Oraz­ǵalıev degen baýyrymyz. О́zara barys-kelis demekshi, sol kúni semeılikter joǵaryda atalǵan aksııa aıa­synda О́skemende bolsa, al Glýbokoe aýdany kerisinshe, Semeıge kelip, mun­da­ǵylardyń yqylasyna bólenip jatty. Munyń aldynda osy jaqqa oblystyń qalǵan aýdandarynyń barshasy osyn­daı saparmen kelip qaıtqan edi. Astananyń О́skemendegi kúnderi se­meı­likterdiń osyndaǵy tamasha maz­mun­da ótken oıyn-saýyǵymen qory­tyn­­dy­lan­dy. Metallýrgterdiń máde­nıet sa­raıyn­da ótken bul mádenı sha­raǵa halyq kóp jı­naldy. Konsert bastalmas buryn sah­na­ǵa Astana qalalyq máslıhatynyń hat­shy­sy Ermek Ospanov kóterilip, al­ǵash ret elimizdiń shy­ǵy­synda bastalyp otyr­ǵan Astana kún­deri­niń óz máninde ótkenin aıta kelip, Shyǵys Qazaqstan oblysynyń Astanada ótken kúnderin nasıhattaýda belsendilik kórsetken bir top áriptes­teri­mizge qala ákiminiń alǵysyn jetkizdi. Tamasha oıyn-saýyqtan soń eki kúnge sozylǵan shara oblys ákimi Berdibek Saparbaevtyń sózimen qorytyn­dylandy. Ol óz sózinde shyǵys jurt­shy­lyǵynyń Astanaǵa qarap boı túzeı­tinin aıta kelip, semeılikterge de rızashylyǵyn bildirdi. Aıtty aıtpa­dy, osy kúni Semeıden О́skemenge ár saladan bir myńdaı adam kelip, kún tár­tibindegi máselege óz úlesterin qosqan eken. Jumyla kótergen júk jeńil deıdi halqymyz. Endeshe, sol yntymaq-berekeden aıyrmasyn dep tileıik. Ońdasyn ELÝBAI, Dáýlet SEISENULY. Shyǵys Qazaqstan oblysy.

* * *

Oımaqtaı oı

Marına MYSIаGINA, stýdent: Kósheniń Astana ataýyna ıe bolýy bir-birimizdi jaqyndastyryp qana qoımaı, el birliginiń áleýetin aıqyndaı túsedi. Men Astana kóshesinde turatynymdy maqtan tutamyn. Asylbek SÁBEKOV, qalalyq aqsaqal­dar alqasynyń tóraǵasy: Burynǵy Solnechnaıa kóshesiniń ataýy jaqsy bolǵanmen, naq­ty­lanbaǵan ári túsiniksizdeý edi. El táýelsiz­digi­niń 20 jyldyq merekesi qarsańynda О́skemende Astana kóshesiniń ashylýy eldik pen órlikti dáleldegendeı. Onyń ústine bul kóshe eki ózenniń túıisetin ádemi jerinde tur, sondyqtan sulýlyǵymen kóz tarta beredi degen oıdamyn.

* * *

Qonaqtar lebizi

Aldan SMAIYL, Parlament Májilisiniń depýtaty, Memlekettik syılyqtyń laýreaty: – Tek bıylǵy jazdyń ózinde munda ártúrli mazmunda úlken is-sharalar ótkizilgenin jaqsy bilemiz. О́skemendikter bul jolǵy sharaǵa da muqııat ázirlengen eken. Sonyń qaı-qaısynan bolsyn, otanshyldyq, ulttyq rýh, merekelik kóńil-kúı seziledi. Soǵan rızamyz. Ánes SARAI, Memlekettik syılyqtyń laýreaty: – Myń ret estigennen bir ret kórgen jaqsy deıdi halqymyz. Berdibek baýyrymyzdyń tyń bastamalarynan buryn da habardar edik. Mine, endi ol Astananyń О́skemendegi kúnderiniń mazmundy ótýine meılinshe jaǵdaı jasaı bildi. Osy úrdis elimizdiń basqa qalalarynda da jalǵasyn taýyp jatsa deımiz. Alda osyndaı bereke-birlikten aıyrmasyn! Serik TURǴYNBEKOV, aqyn: – Shyǵystyń shyraıy kirip-aq qalǵan eken. Adamdarynyń júzinen de qýanysh lebi seziledi. Maǵan, ásirese ýnıversıtette ótken kezdesý óte unady. Maǵjan aqyn aıtpaqshy, mundaı bilimdi, alǵyr jastarǵa bek senýge bolady. Qazaqsha saırap turǵan basqa ulttyń ókilderine, tipti súısinip qaldyq. Nesipbek AITULY, aqyn: – О́zim shyǵystyń týmasy bolsam da, О́skemende óz oqyrmandarymmen alǵash ret kezdesken ekenmin. Osynyń bári táýelsizdiktiń arqasy. Sondyqtan táýelsizdigimiz baıandy bolsyn deımin.