QR Syrtqy ister mınıstrligi Katalonııada oryn alǵan jaıtqa baılanysty pikir bildirdi, dep habarlaıdy QazAqparat.
«Qazaqstan Katalonııa avtonomdy qaýymdastyǵynda oryn alǵan jaıtty tek qana Ispanııanyń ishki isi dep biledi jáne onyń odan ary damýy tek Ispanııanyń qoldanystaǵy zańnamasy aıasynda ǵana órýi tıis dep sanaıdy. Qazaqstan Ispanııamen óziniń qarym-qatynasynda atalǵan eldiń egemendigi men aýmaqtyq tutastyǵyna qurmetpen qaraý ustanymynan taımaıdy», - dedi QR SIM baspasóz qyzmetiniń jetekshisi Ánýar Jaınaqov.
Aıta keteıik, 1 qazan, jeksenbi kúni Katalonııada avtonomııalyq oblystyń Ispanııa quramynan shyǵýyna qatysty jalpyhalyqtyq daýys berý ótti. Madrıd bul referendýmdy zańsyz dep sanaıdy. Quqyqqorǵaý organdary plebıssıttiń ótýin toqtatýǵa tyrysyp, saılaý ýchaskelerin japty, jáshikter men bıýlletenderdi jappaı tárkiledi. Barselona meri Ada Kolaý Twitter-degi paraqshasynda Katalonııada 460-qa jýyq adam zardap shekkenin jazdy. «Barselona meri retinde polısııanyń qorǵansyz halyqqa qarsy is-áreketterin toqtatýdy talap etemin», - dedi ol.
Katalonııa úkimetiniń resmı ókili Jordı Týrýldiń málimdeýinshe, jeksenbi kúni Ispanııanyń Katalonııa aımaǵynda ótken referendýmda turǵyndardyń 90% táýelsizdikti qoldap, daýys bergen. Katalonııa úkimetiniń resmı ókili baspasóz máslıhatynda táýelsizdik alý týraly bastamany saılaýshylardyń 7,8% qoldamaǵanyn, al 2%-ynyń bıýlletenderi bos bolyp shyqsa, 0,89% búlingenin atap ótti. Ispanııa bıligi osy referendýmǵa qatysty resmı ustanymyn jarııalap, daýys berýdiń eshqandaı zańdy kúshi joqtyǵyn atap ótti. Sebebi ol koroldiktiń konstıtýsııasyna qaıshy keledi.