Jol jiti baqylanady

Bıyl 9 aıda  oblys aýmaǵynda 228 jol-kólik oqıǵa­sy oryn alǵan. Sonyń saldarynan 41 adam jantásilim etip, 283 adam túrli dene jaraqatyn alǵan.  Olardyń arasynda ishimdik iship alyp, shamadan tys jyldam­dyqpen kólik aıdaýshylar barshylyq. Mine, osyndaı  keleńsizdikterdi boldyrmaý maqsatymen  oblys ortaly­ǵynda  avtókólikterdiń júrý  jyldam­dyǵy mólsherin anyqtaýǵa arnalǵan úsh qurylǵy ornatyldy. Olar jergilikti bıýdjet qarajatyna satyp alyndy. Mır-Pıoner, Jambyl-Táshtıtov kósheleriniń qıylysy men Iаvlenka tas joly boıynda qoıylǵan qondyr­ǵylardyń jumy­symen oblys ákimi Serik Bilálov tanysty. Jańa jobanyń engizilýi jol qozǵalysyn jiti baqylaýdy da, jol polıseıleriniń jumysyn da edáýir jeńildetti. Endi  qondyrǵynyń «kózine túsken» kólik ıesi aıyppul tóleýge, bolmasa qujatynan aırylýǵa májbúr.  Kólik  sýretke túsirilip,  kompıýter arqyly óńdelip, jol polısııasynyń ortaly­ǵyna joldanady. Onda kóliktiń nómiri, ıesi, jol ere­je­siniń  buzylý sebebi, aıyppul mólsheri zamatta anyq­ta­la­­dy.  Qondyr­ǵylar qondyrylǵannan beri 780 jol jú­rý erejesi tirkelip, 5 mıllıon teńge aıyppul salynǵan. О́mir ESQALI. Soltústik Qazaqstan oblysy.