Eki jyl burynǵy poshtashyny tonaǵan kúdiktiniń isi áshkere boldy
Aqtóbe oblysynyń IID-niń Alǵa aýdandyq ishki ister bóliminiń qyzmetkerleri eki jyl buryn bolǵan tonaý qylmysynyń betin ashty. Bir qyzyǵy, atalmysh kúdikti temir tordyń arǵy jaǵynda otyrǵandyǵy anyqtaldy.
2009 jyldyń naýryz aıynda belgisiz bireý Alǵa aýdanynda «Qazposhta» AQ-tyń zeınetaqy taratyp júrgen poshtashysyn tonap, 260 myń teńge aqshany alyp ketken bolatyn. Biraq polısııa qyzmetkerleri kúdiktini qansha izdese de taba almaǵan. Atalmysh derekke baılanysty qylmystyq is qozǵalyp, jedel izdestirý sharalary eki jyl boıy toqtamaǵan. Mine sonyń nátıjesinde jýyrda kúdiktiniń túr-tulǵasy anyqtaldy. Degenmen, poshtashyny tonaǵan kúdikti jigit qaraqshylyq jasaǵany úshin túrmede óz jazasyn ótep jatqandyǵy dáleldendi. Poshtashyny tonap izin sýytqan jigit kóp uzamaı qaraqshylyq qylmysy úshin polısııa quryǵyna iligip, túrmege otyrypty. Endi qaraqshylyq jazasynyń ústine tonaý qylmysynyń jaýapkershiligi júktelip, taǵy birneshe jylǵa sottalatyny belgili boldy. Tergeýshilerdiń aıtýynsha, kúdikti jigit qýlyqqa basyp, jasaǵan qaraqshylyq qylmysyn tez moıyndaǵan. Sebebi, onyń aldyndaǵy tonaý dereginiń beti ashylyp qalmas úshin kúdikti istiń jedel tergelýin talap etipti. Biraq eki qylmysy úshin bir jaza alýdy oılaǵanymen seziktiniń qıturqy áreketi osylaı áshkere boldy.
Mádı QÝANYShULY.
Aqtóbe oblysy.