Qazirgi tańda esirtki tasymaldaýshylar qarasyn qaıta kórsete bastaǵandaı kórinedi. Onyń naqty dáleli Qostanaı stansasy jelilik ishki ister bóliminiń esirtki bıznesine qarsy kúres tobynyń qyzmetkerleri jedel-izdestirý sharasy barysynda Qostanaı oblysynyń azamatyn «Astana-Qostanaı» baǵytymen júretin poıyz arqyly geroındy jasyryn alyp ótpekshi bolǵan jerinen quryqtaǵan.
Al ony ustaýǵa Gera esimdi qyzmettik ıisshil ıttiń kómegi tıipti. Ustalǵannan salmaǵy 1,78 gramm bolatyn «geroın» esirtki zaty tabylyp, tárkilendi. Ol esirtki zatyn Qostanaıdan Reseı Federasııasynyń Chelıabınsk qalasyna jetkizbekshi bolǵan. Oǵan QR QK 259-babynyń 1-1-bólimi ıaǵnı «Asa iri kólemde esirtki zatyn zańsyz saqtaý» boıynsha aıyp taǵylyp, qylmystyq is qozǵaldy. Ol osy bap boıynsha 2006 jyly da sotty bolǵan eken. Kezinde jibergen qateliginen sabaq almaǵan azamat qazirgi ýaqytta Qostanaı qalasy IIB ýaqytsha ustaý ızolıatoryna jetkizildi, dep habarlady Kóliktegi IID baspasóz qyzmeti.
«Egemen-aqparat».