Zyrıan aýdanynda barlyq áleýmettik mańyzdy nysandarǵa jylý berildi. Shyǵys Qazaqstanda sońǵy jyldarmen salystyrǵanda jylý berý maýsymy bıyl ádettegiden erte bastaldy.
Ony mamandar kún raıynyń ózgerip, aýa temperatýrasynyń tómendeýimen túsindiredi. Oblys ákimi baspasóz qyzmetiniń taratqan málimetterine súıensek, aımaq basshysy Danıal Ahmetovtyń áleýmettik nysandarǵa dereý jylý berý jónindegi tapsyrmasyn der kezinde oryndaǵandardyń biri - Zyrıan aýdany.
Qazirgi tańda qaladaǵy 9 mektepke deıingi mekemege, 40 bilim ordasyna, 2 ınternat pen 12 densaýlyq saqtaý nysandaryna jylý berilgen. Aýdandyq qazandyq qystyń saqyldaǵan sary aıazyn qarsy alýǵa merziminde daıyn bolǵandyqtan, turǵyn úılerge de jylý ýaqytymen berilip jatyr.
Azamat QASYM,
«Egemen Qazaqstan»
Shyǵys Qazaqstan oblysy,
Zyrıan aýdany