Túsinistik memorandýmyna qol qoıyldy

Keshe Seýl qalasynda Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov pen Koreıa Respýblıkasy Ulttyq saılaý komıssııasynyń tóraǵasy Kım Nýng-Hvan Qazaqstan Respýblıkasy Ortalyq saılaý komıssııasy men Koreıa Respýblıkasy Ulttyq saılaý komıssııasy arasyndaǵy Saılaýdy ákimshiliktendirý salasyndaǵy yntymaqtastyq jónindegi ózara túsinistik týraly memorandýmǵa qol qoıdy. Memorandýmǵa  qol qoıý eki el­diń saılaý organdary arasyn­daǵy yntymaqtastyqty odan ári da­mytý jolyndaǵy mańyzdy qa­dam bolyp tabylady. Qujattyń negizgi maqsaty – saılaýlardy uıymdastyrý salasynda ózara yntymaqtastyq ornatý, sondaı-aq aqparattarmen, tehnologııalarmen jáne tájirıbemen almasý úshin jaǵdaı jasaý. Onyń syr­tynda, taraptardyń pikiri boı­ynsha, yntymaqtastyqtyń jańa pishini Qazaqstan Respýblıkasy men Koreıa Respýblıkasynyń or­taq demokratııalyq ıgiligi bolyp tabylatyn ıdealdar men usta­nym­dardyń júzege asyrylýy men qorǵalýyn meılinshe tıimdi qamtamasyz etýge múmkindik beretin bolady. Qazaqstan Respýblıkasy Or­ta­lyq saılaý komıssııasy dele­ga­sııasynyń sapary koreıalyq tarap uıymdastyratyn eki mańyzdy ha­lyqaralyq sharanyń: Azııa saılaý organdary assosıasııasy Bas as­sambleıasy men Dúnıejúzilik saı­laý organdary assosıasııasyn qu­rý boıynsha forým qarsańynda ótti. «Egemen-aqparat».