Jasyl klımat qory (GCF) jańartylatyn energııa kózderin Eýropalyq qaıta qurý jáne damý bankiniń (EQDB) negizdemelik baǵdarlamasy boıynsha jańartylatyn energııa kózderine qatysty jobalardy iske asyrý úshin $110 mln AQSh dollary kóleminde Qazaqstan úshin qarjylandyrýdy maquldady, dep habarlaıdy Eneregetıka Mınıstrliginiń Baspasóz qyzmeti.
GCF-tiń bul úlesi jeńildikpen qarjylandyrýdy 106 mln AQSh dollaryn jáne 4 mln AQSh dollaryn tehnıkalyq kómek úshin grant túrinde qamtıdy.
Jobalar Qazaqstannyń Úkimetine «jasyl ekonomıka» kóshýge kómek kórsetýge, sonyń ishinde jańartylatyn energııa kózderin ıntegrasııany arttyrý maqsatynda kún, jel damytýǵa, shaǵyn sý jáne bıogaz, sondaı-aq elektr jelilerin jańǵyrtý jáne nyǵaıtýǵa baǵyttalady.
Osy jobalar boıynsha atqarýshy agenttik bolyp búgingi kúni Qazaqstanǵa 7,3 mlrd ınvestısııalaǵan Eýropalyq qaıta qurý jáne damý banki bolady, onyń ishinde turaqty energetıkaǵa 1,7 mlrd eýro ınvestısııa saldy.
Jasyl klımat qory men Eýropalyq qaıta qurý jáne damý bankimen belsendi birlesken jumys Qazaqstanda jańartylatyn energııa kózderin ınvestısııa jáne klımattyń ózgerýimen kúreske baǵyttalǵan birlesken jobalardy júzege asyrýdy arttyrmaq.
Jasyl klımat qory damýshy elderde parnıktik gazdar shyǵaryndylaryn shekteý jáne qysqartý, sondaı-aq klımattyń ózgerýi áserine beıimdelýge kómek kórsetý úshin 124 el úkimetteriniń bastamasymen qurylǵan.